C/Entrada e saída simples

En Wikibooks, o Galilibros en galego.

Se te paras a pensar nelo, unha computadora resultaría bastante inútil sen unha forma de que as persoas interactúen con ela. Así coma nós necesitamos información para cumprir coas nosas tarefas, as computadoras necesítana tamén. Así coma nós lle damos información a outros para que realicen tarefas, o mesmo fan as computadoras.

Estos intercambios, idas e voltas de información entre a computadora e mailo usuario reciben o nome de entrada e saída. A entrada é a información fornecida á computadora ou aplicación. A saída é a información fornecida pola computadora ou aplicación. Normalmente os programadores simplifican isto no termo xeral "entrada/saída", ou simplemente I/O (do inglés input/output).

En C existen moitos xeitos distintos de que unha computadora se comunique co usuario. É curioso que os métodos máis simples, os que se lles adoita aprender aos programadores principiantes, poden resultar tamén os máis poderosos. No exemplo do Ola mundo ao comezo do libro, fixemos unha pequena introdución á biblioteca estándar stdio.h, e a unha das súas funcións, printf(). Neste capítulo falaremos doutras funcións fornecidas por esta biblioteca.

[editar] Saída con printf()

Recordemos o exemplo que xa viramos anteriormente:

#include <stdio.h>
 
int main() {
	printf("Ola mundo!\n");
	return 0;
 }

Ao compilar este programa e executalo, aparecerá na pantalla o seguinte texto:

Ola mundo!

Esta abraiante tarefa realizouna a función printf. As funcións realizan certas accións sen amosar o seu contido. Nós mesmos podemos escribir as nosas propias funcións en C, pero diso falaremos máis adiante.

Observarías que para usar printf() sitúase texto entre comiñas dobres dentro dos parénteses. O texto entre comiñas denomínase cadea literal (ou simplemente cadea), e esa cadea é un argumento de printf.

Como vimos no exemplo anterior, o uso de printf() pode resultar tan doado coma escribir un texto entre comiñas dobres. Por tanto, podes imprimir calquera cadea colocándoa como argumento da función printf(): printf("Este texto vai amosarse exactamente do xeito en que o estás a ver...");

E unha vez situado nunha función main() ("principal") axeitada, amosará:

Este texto vai amosarse exactamente do xeito en que o estás a ver...

[editar] Impresión de números e secuencias de escape

[editar] Códigos de substitución

A función printf é moi útil, e se trata probablemente da función máis utilizada nos programas en C.

Agora, digamos que nos sabemos canto é 1939 - 1936 (xa, xa sei que o sabemos, pero bótalle un pouco de imaxinación). Deixemos que o noso fiel compañeiro C nos dea a resposta.

Comezamos escribindo:

#include <stdio.h>
// Isto é importante posto que non podemos utilizar printf sen el
 
 int 
 main(void)
 {
    printf("1939 - 1936 dá ");

E agora que? printf só pode imprimir cadeas! Por sorte para nós, printf conta con métodos para imprimir números. O que facemos é colocar un código de substitución na cadea. Escribimos:

   printf("1939 - 1936 é '''%d'''", 1939-1936);

O substituto %d substitúese polo número resultante da conta que segue á cadea, 1939-1936.

Este tipo de substitutos son os chamados especificadores de formato. Existen moitos outros especificadores de formato que funcionen con printf. Se temos un número de punto flotante, podemos utilizar %f para imprimilo, punto decimal e demais. Outros especificadores de formato son:

• %i - int (o mesmo que %d)
• %lf - double
• %s - string ("cadea")
• %x - hexadecimal

[editar] Tabulacións e saltos de liña

E se o que queremos é un texto de saída coma este?

1936 
1939

printf non introduce saltos de liña ao final de cada expresión. Temos que facelo nós mesmos. Pero como?

O que podemos facer é introducir o caracter de escape de salto de liña. Un caracter de escape é un caracter especial que podemos escribir pero que fará algo especial ao aparecer na pantalla, coma facer un "bip", escribir unha tabulación, etc. Para introducir un salto de liña escribimos \n. Todos os caracteres de escape comezan cunha barra inclinada á esquerda.

Así que, para que o resultado sexa o texto anterior, escribiremos

printf("1936\n1939\n");

Ou, para sermos máis claros, podemos dividir as expresións en liñas. Daquela, o programa quedaría:

#include <stdio.h>
 
int
main(void){
  printf("1936\n");
  printf("1939\n");
  return 0;
  }

Podemos utilizar outros caracteres de escape. Outro moi común é \t para escribir unha tabulación. \a pode usarse para que soe o "bip" da computadora, pero non deberías utilizalo moito nos teus programas, posto que o uso excesivo de sons non adoita agradar aos usuarios.