C/Requisitos

En Wikibooks, o Galilibros en galego.

Índice 1 Coñecementos previos 2 Requisitos de hardware 3 Requisitos de software 3.1 Editor de texto simple 3.2 Compilador 3.3 Ligador 3.4 Depurador 3.5 IDE 4 Outros

[editar] Coñecementos previos

Os coñecementos son a parte da que podes mofarte. Seguro que estas cousas as podes aprender polo camiño, iso no remoto caso de que non as saibas xa. O obxectivo deste libro é introducirte na linguaxe de programación C. Asúmese que tes uns coñecementos básicos de informática, mais non precisas de ningún tipo de coñecemento especial. Por suposto, sempre axudarán uns coñecementos fundamentais de programación, mais éstes non son precisos. Moita xente decide empezar a programar en C, polo que ter coñecementos previos de programación é difícil.

[editar] Requisitos de hardware

O requisito máis caro (básicamente porque o resto son de balde). Necesitaremos unha computadora, non importa de que marca un plataforma. Entre as súas características, debería de ter máis de 100MHz, máis de 16MB de RAM e arredor de 50MB de espazo no disco duro.

Como pode observarse, calquera computadora actual cumpre estes requisitos, e calquera computadora vella que aínda funcione debería ser suficiente cun GNU/Linux lixeiro como sistema operativo. No caso de que a coputadora en cuestión non cumpla algún deste requisitos, sempre che quedaría a opción de probar (por intentalo que non sexa).

Hai que ter en conta que estes requisitos están orientados ao tipo de exercicios realizados ao longo deste libro. Para programas máis complexos e traballados, os requisitos poderían ser maiores.

[editar] Requisitos de software

O software non será un inconveniente grazas á existencia de software libre, moi recomendable, xa que ten moitas vantaxes o ter un sistema totalmente aberto, en especial cando se está aprendendo a programar. Do mesmo xeito que para quen aprende cirurxía lle sería útil ter á súa disposición corpos que poder operar, pero non tan macabro.

Os requisitos mínimos de software para programar en C son un editor de texto simple e un compilador.

[editar] Editor de texto simple

Os procesadores de texto, como poden ser o Writer ou o Word non valen, pois engádenlle ao texto formato en binario. Algúns exemplos de editor de texto poden ser o Notepad++ para sistemas Windows e Vim, Emacs, Gedit ou Kate en sistemas GNU/Linux. Sexa cal sexa o editor polo que nos decidamos, é preferible que o editor utilice esquemas de cores, axudas visuais á hora de programar (como é o caso dos nomeados). O código fonte dos programas é máis sinxelo de comprender deste xeito, e é máis doado detectar erros de sintaxe.

[editar] Compilador

Precisarás tamén dun compilador de C. Un compilador é un programa que converte o código C en código máquina executable. Un gran compilador de C é o GNU C Compiler, tamén coñecido coma gcc, que ademais de ser libre posúe versións para todas as plataformas.

[editar] Ligador

Xeralmente a tarefa do ligador xa a fará o mesmo programa que utilizamos para a tarefa de compilación.

[editar] Depurador

O depurador é unha ferramenta que preservará o código C despois da compilación e permitiranos facer cousas coma comprobalo paso a paso manualmente durante a execución do mesmo ou alterar datos co obxectivo de descubrir erros.

[editar] IDE

Aínda que é completamente innecesario, algúns programadores prefiren e recomendan o uso de IDEs (Integrated Development Enviroment, Ambiente de desenvolvemento integrado) en lugar dun editor de texto e un compilador por separado. Un IDE é un programa que combina unha serie de programas que os desenvolvedores necesitan nun único paquete, a miúdo con interface de usuario gráfica. Estes programas inclúen un compilador, ligador e editor de texto, e mesmo adoitan incluír tamén un depurador de código. Algunhas IDEs populares son Anjuta (GNOME), KDevelop (KDE) ou Dev C++ (Windows); todos eles libres, por suposto.

[editar] Outros

O último requisito de todos, o "sentido común" (coñecido tamén coma sentidiño).