Cociña/Albóndegas en salsa

Material necesario

Ingredientes

• Aceite (a criterio do cociñeiro).

• Allo (2 dentes × ración).

• Auga (a criterio do cociñeiro).

• Azafrán (¼ cullerada × ración).

• Caldo de polo (125 mililitros × ración).

• Carne picada (200 gramos × ración).

• Cebola (100 gramos × ración).

• Chícharos (50 gramos × ración).

• Fariña de trigo (a criterio do cociñeiro).

• Laurel (1 folla).

• Ovo (1).

• Pan relado (½ cullerada × ración).

• Pementa (a criterio do cociñeiro).

• Perexil picado (½ cullerada × ración).

• Sal (a criterio do cociñeiro).

• Viño branco (50 mililitros × ración).

Útiles

• Cunco (1).
• Culler (1).
• Prato (1).
• Ola (1).
• Tixolas (2).

Preparación

1. Abrandar a verdura para as albóndegas:
   1. Poñer auga a quentar na ola.
   2. Cando a auga estea a ferver, botar ¼ da cebola e ¼ dos dentes de allo, ambos ingredientes pelados.
   3. Aos 2 minutos, sacalos da ola e enfrialos con auga.
2. Comezar coa salsa:
   1. Picar o resto do allo, e cortar en tiras o resto da cebola.
   2. Poñer a tixola ao lume, baixo, e botarlle catro culleradas de aceite por ración.
   3. Cando o aceite estea quente, botar o allo picado, a cebola en tiras, un pouco de sal e o laurel.
3. Preparar as albóndegas:
   1. Picar moi ben o allo e a cebola que se pasaron pola ola ao principio.
   2. No cunco, botar a carne picada, o perexil, a cebola, o allo, o ovo, o pan relado e un pouco de pementa.
   3. Mesturar o contido do cunco cun garfo ata que quede homoxéneo.
   4. Humedecer as mans, e a continuación ir collendo coa culler pequenas porcións da mestura, darlle forma arredondada coas mans, e deixar nun prato limpo. Deberían saír arredor de 6 albóndegas por ración.
4. Continuar coa salsa e fritir as albóndegas:
   1. Poñer a quentar o caldo de polo na ola.
   2. Cando a cebola (na tixola) teña unha cor transparente o cunha pouca de cor, botar 1 cullerada de fariña na tixola, e remexer durante 1 minuto.
   3. Poñer a quentar un pouco de aceite na segunda tixola.
   4. Engadir o viño branco á primeira tixola, e subir o lume.
   5. Pasar as albóndegas pola fariña, sacudilas ben e ir botándoas na segunda tixola para fritilas. Unha vez fritidas, incorporar á primeira tixola.
5. Últimos detalles:
   1. Cando o viño reducise, botar o caldo de polo e deixar 5 minutos.
   2. Incorporar á tixola principal o azafrán e os chícharos, e deixar 10 minutos máis.

Gornición

Este prato pode acompañarse dalgunha das seguintes gornicións:

• Patacas fritidas.
  • Para este prato adóitamse facer en forma de cubos.