Curso de lingua galega/O persoal/Tónico

En Wikibooks, o Galilibros en galego.

Gramática

Primeiras normas
O alfabeto
As vogais
- Recoñecer a abertura media
As consoantes
- A gheada
- O seseo
O substantivo
- Masculino e feminino
- Singular e plural
O Adxectivo
- A gradación
Os determinantes
O relativo
O persoal
- O persoal tónico
- O persoal átono
O adverbio
Nexos
A interxección
O verbo

Ir a: Exercicios sobre o persoal
Ir a: Curso de lingua galega ····· Hª do galego ····· Exercicios de morfosintaxe ····· Exercicios de ortografía ····· Exercicios de léxico

A Normativa oficial do galego (na wikipedia galega)

O pronome persoal é unha clase de palabras que designa as persoas que participan na comunicación e que agrupa os seguintes vocábulos:

[editar] Persoais oblicuos

Os pronomes oblicuos son aqueles persoais tónicos que aparecen precedidos por unha preposición e, xa que logo, desenvolven a función de termo no sintagma nominal, non podendo nunca ser suxeito.

min: Estiveron falando de min
ti: Este xersei é para ti
el, ela: Estás todo o dia mirando para ela
nós: Elas trouxeron esa agasallo para nós
vós: Non esperaba iso de vós
eles, elas: Podes ir xogar con eles

Os pronomes oblicuos ligados chámanse así por formar parte do seu corpo fónico a preposición "con". Actúan como complementos circunstanciais de compañía.

comigo: Carme bailou comigo
contigo: Túa nai quería falar contigo
consigo (con el/ela): Carlos estivo pelexando con el
connosco: Ven xantar connosco
convosco: Vou xogar convosco
consigo (con eles/elas): Vou ao mercado con elas

[editar] Nosoutros e vosoutros

Non son o mesmo ca "nós" e "vós". "Nosoutros" e "vosoutros" ('nós ou vós, o/os presente/s, e mailos outros') refírense a un grupo pechado de individuos coñecido polo falante e polo oínte, polo que quedan excluídos deles tódolos individuos que non pertenzan a ese grupo:

Saberás que o Director díxonos a nós (a case tódolos alumnos do instituto) no Salón de actos que nosoutros (os presentes e o mailos demais alumnos de 4ºESO A) quedabamos castigados sen ir de excursión.

[editar] *Elo

O pronome neutro *elo, que existiu na lingua antiga, foi paulatinamente substituído por outros pronomes (demostrativos neutros:iso,...). Hoxe non existe, salvo en frases feitas como estar a elo.