HTML/Estrutura dos documentos

En Wikibooks, o Galilibros en galego.

HTML
← Volver a Código	Estrutura dos documentos	Seguir con Formatar texto →

Neste capítulos coñeceremos os catro elementos básicos que conforman a estrutura dun documento HTML. Comecemos co esqueleto dun documento HTML baleiro:

<!DOCTYPE>
<html>
   <head>
        ...
   </head>
   <body>
        ...
   </body>
</html>

A primeira liña está reservada para o tipo de documento (DOCTYPE), a continuación iníciase o documento HTML, que está dividido en dúas seccións: head (cabeceira) e body (corpo).

Índice

1 DOCTYPE
2 html
3 head
- 3.1 title
- 3.2 base
- 3.3 style
- 3.4 link
- 3.5 script
- 3.6 meta
- 3.7 object
4 body

[editar] DOCTYPE

O elemento DOCTYPE define o tipo de documento do que se trata, e lle indica ao navegador a versión e mailo tipo de HTML empregado no documento. Deste xeito, o navegador utilizará o modelo de renderizado axeitado ao tipo de documento.

Obviar este elemento é un erro moi frecuente. Non poñelo obrigará ao navegador a interpretar o código como mellor lle pareza. Os resultados disto poden ser moitos, e moit distintos, mesmo entre dúas versións distintas dun mesmo navegador. Polo tanto, o mellor é poñer sempre o DOCTYPE correcto.

Para a versión 4.01 de HTML (a última publicada), existen tres tipos de DOCTYPE.

[editar] Estricto

Este DOCTYPE é o que contén a definición de HTML recomendada polo W3C.

<!DOCTYPE HTML PUBLIC "-//W3C//DTD HTML 4.01//EN"
        "http://www.w3.org/TR/html4/strict.dtd">

[editar] Transicional

Este DOCTYPE é igual ao estricto, xunto con algúns elementos e atributos antigos que quedaron obsoletos, pero que se conservan por cuestións de compatibilidade.

<!DOCTYPE HTML PUBLIC "-//W3C//DTD HTML 4.01 Transitional//EN"
        "http://www.w3.org/TR/html4/loose.dtd">

[editar] Grupo de marcos

Este DOCTYPE é igual ao transicional, xunto cos elementos específicos para a creación de marcos.

<!DOCTYPE HTML PUBLIC "-//W3C//DTD HTML 4.01 Frameset//EN"
        "http://www.w3.org/TR/html4/frameset.dtd">

[editar] html

O elemento html delimita o documento HTML, indicándolle ao navegador o comezo e maila fin da páxina HTML. As súas etiquetas son <html> (sempre ao comezo, despois de DOCTYPE) e </html> (sempre ao final do documento).

Ambas as dúas etiquetas son opcionais, pero recoméndase encarecidamente o seu uso.

[editar] head

O elemento head delimita a cabeceira dos documentos HTML. Esta cabeceira contén "metadatos", é dicir, "datos de datos". A información desta sección non adoita amosarse directamente. Así, elementos coma style afectan ao aspecto doutros elementos do documento.

[editar] title

O elemento head ten que conter á súa vez un elemento title. Este elemento úsase para establecer o título do documento HTML, que é o que adoita amosarse na barra do título da fiestra do navegador web. Velaquí un exemplo do uso do elemento title:

<head>
   <title>Isto é o título</title>
</head>

[editar] base

O elemento base establece o URI base para resolver os URIs relativos. Este elemento úsase en contadas ocasións.

Só pode haber un elemento title e un elemento base no encabezado. Porén, outros elementos poden aparecer máis dunha vez. É o caso de:

[editar] style

Úsase para establecer regras de estilo nun documento. Nos sitios web en que se precise dunha apariencia fixa para moitas páxinas web distintas, é recomendable espicificar o elemento nun ficheiro de folla de estilo por separado, ligado grazas ao elemento link.

[editar] link

Úsase para ligar a páxina con diversos ficheiros externos, incluídos un ficheiro de folla de estilo, ou a localización do feed RSS para a páxina. O tipo de ligazón da que se trata establécese co atributo rel. O atributo type especifica o tipo MIME do documento na localización especificada co atributo href. Isto lle permite ao navegador ignorar as ligazóns a tipos MIME que non soporta. Velaquí van uns exemplos:

<link rel="stylesheet" type="text/css" href="style.css">

<link rel="alternate" type="application/rss+xml" href="rss.aspx" title="RSS 2.0">

[editar] script

Úsase para ligar cun ficheiro Javascript externo ou para incrustar Javascript na páxina. A técnica favorita nas páxinas web reais é a de ligar a un ficheiro externo, aínda que moitas veces incrústase o script para simplificar.

[editar] meta

Úsase para establecer máis metadatos do documento HTML, coma palabras clave, etc. Por exemplo:

<meta http-equiv="Content-Type" content="text/html; charset=utf-8">

<meta name="keywords" content="web, HTML, markup, hypertext">

[editar] object

Incrusta un obxecto xenérico. Este elemento non adoita usarse no encabezado, senón na sección corpo.

[editar] body

Ao contrario que o elemento head, un navegador web amosará na páxina web calquera texto simple que estea situado entre as etiquetas <body> (que dá comezo ao corpo do documento) e </body> (que vai sempre precedendo á etiqueta </html>.

<body>
   Este texto aparecería no navegador ao abrir o documento.
</body>

Os atributos do elemento body (text, link, alink, vlink, bgcolor e background) pasaron a considerarse obsoletos na versión 4 de HTML. Isto quere dicir que xa non se deberían de usar nos novos documentos. No seu lugar, agora utilízanse as seguintes regras CSS, que sería importante aprender unha vez se controle a linguaxe HTML.

A pesar disto, velaquí se explica o uso dalgún deles:

bgcolor: Utilízase para establecer a cor de fondo do documento HTML. O seu valor pode ser ben o nome en inglés dunha cor, ben un código hexadecimal precedido dunha almoadiña (#), coma #336699 ou #ffffff.

HTML
← Volver a Código	Estrutura dos documentos	Seguir con Formatar texto →