HTML/Historia da World Wide Web

En Wikibooks, o Galilibros en galego.

A World Wide Web naceu no ano 1989. Foi obra dun investigador do Consello Europeo para a Investigación Nuclear (CERN), chamado Tim Berners-Lee, que inventou un sistema de intercambio de información na rede con posibilidades multimedia, que posteriormente recibiría o nome de World Wide Web.

Para isto deseñou un esquema baseado en tres piares:

1. URI (Universal Resource Identifier, inglés para "Identificador universal de recursos") para que todos os documentos teñan un nome único.
2. HTTP (HyperText Transfer Protocol, inglés para "Protocolo de transferencia de hipertexto") para a xestión do tráfico documental.
3. HTML (HyperText Markup Language, inglés para "Linguaxe para formatar linguaxes de hipertexto) para a creación e edición dos documentos web.

Este sistema podería explicarse dun xeito simplista comounha enorme rede de discos duros onde se aloxarían os millóns de documentos web ligados entre si. Podemos concebir a idea de Internet coma un espazo de fluxos continuos de coñecemento, arte, ocio, cartos, ideoloxías, etc., é dicir, unha constante circulación de información.

Posto que na actualidade existen diversos protocolos que xestionan o tráfico de documentos e de contido pola rede, é preciso contar cunha normativa estándar que faga posible a súa compatibilidade.

Dende os seus comezos, o Consorcio da World Wide Web (W3C), presidido polo seu inventor, é a organización que elabora e publica os estándares que fan posible a web.