HTML/Introdución

En Wikibooks, o Galilibros en galego.

O HTML (HyperText Markup Language, inglés para "linguaxe de etiquetas de hipertexto") é o código que fai posible a creación e edición de documentos web.

Índice 1 Descrición 2 Aprendizaxe 3 Estándares 4 Notas

[editar] Descrición

Os ficheiros HTML son ficheiros que, a diferencia do texto sen formato, conteñen etiquetas de formato adicionais, é dicir, secuencias de caracteres que lles din aos navegadores web que partes do texto deberían estar en letra grosa, onde van os títulos, onde as táboas, o principio e final das filas e celas das táboas, etc. Ademáis de texto, podemos inserir imaxes -e son, aínda que non se recomenda-. Unha das súas características máis salientables é a posibilidade de ligar unhas páxinas con outras a través de ligazóns.

Esta linguaxe pode lela un navegador web en modo gráfico, un en modo texto, un braille, un cliente de correo electrónico, ou mesmo un teléfono móbil.

[editar] Aprendizaxe

A dificultade para a aprendizaxe da linguaxe HTML é pouca. É unha linguaxe moi sinxela, e fíxose máis sinxela co tempo grazas á delegación nas follas de estilo para o deseño ou o abandono dalgunhas técnicas. Por tanto, dominaremos completamente esta linguaxe sempre e cando acompañemos o coñecemento teórico con moita práctica, e non hai que preocuparse se algo se esquece, ou se hai algunha duda que non veña no libro. O que non poda volverse consultar no libro, pode consultarse aos seus colaboradores activos.

A súa fácil aprendizaxe é, como dixemos, consecuencia da súa sinxeleza. O HTML serviranos para facer documentos sinxelos cos que expresar unha idea, dar unha información, etc. na internet. Para facer páxinas máis avanzadas necesitaremos aprender outras linguaxes, cada vez máis próximas á programación. Así e todo, con aprendermos HTML e CSS xa estamos ben servidos, ata que se nos antoxe a curiosidade por ir máis alá na programación de páxinas web. Pero paso por paso. Agora o mellor será centrarse en aprender e dominar o HTML.

Estaría ben que creases un documento HTML, é dicir, que creases un ficheiro de texto sen formato e o gardases cun nome calquera, e cunha extensión html. Por exemplo: probas.html, prácticas.html^[1], index.html, wikibooks.html, nonsemeocorrecomochamaraestedocumento.html^[2], etc. Neste documento podes ir poñendo en práctica as novas técnicas que vaias aprendendo a medida que avances no libro.

[editar] Estándares

Inicialmente a web foi concebida coma un espazo para a publicación de información estática, con obxectivos puramente divulgativos. Pero todos sabemos que a realidade da web dista moito desta vella concepción, con contidos dinámicos, multimedia, etc. Como xa mencionaramos na historia da World Wide Web, o W3C foi o encargado de ir engadindo diversas modificacións ao HTML, sacando distintos estándares.

Actualmente, o estándar en vigor é o número 4.01, que o está dende setembro do ano 2001^[3]. A versión 5.0 está a ser desenvolvida nestes momentos^[4].

[editar] Notas

1. ↑ Non se recomenda utilizar tiles con ficheiros que logo han formar parte dun sitio web, pero para utilizar coma zona de probas na nosa computadora non ha importar.
2. ↑ Tampouco se recomenta o uso de nomes moi largos, preferíndose os curtos e concisos, que en poucos caracteres deixen claro o seu contido.
3. ↑ Comprobado o 6/06/2009.
4. ↑ Sitio web da W3C