En Wikibooks, o Galilibros en galego.

Galilibro

Receitas de

Cociña Galega

Ensaladas e entremeses

Revoltos

Cogomelos e grelos

Empanadas

de bacallau

Caldos, sopas...

Caldo galego

Mariscos e Peixes

Carnes

Pratos Mixtos

Sobremesas

[editar] Ingredientes (4 persoas)

• Bacallau: 1,000 grs. (desalgado)
• Pementos: 3
• Cebolas: 3
• Aceite de oliva: 100 cc. (sobrante de preparar o recheo)
• Leite: 50 cc. (morno)
• Lévedo: 30 grs. (de panadería)
• Fariña: 350 grs.
• Ovos: 2 (para vernizar a empanada)
• Auga: 125 cc. (morna)

[editar] Instrucións

1. Prepárase o recheo da empanada cos pementos e as cebolas cortados en xuliana e o bacallau derrafado.
2. Prepárase a masa da empanada co aceite sobrante de guisar o recheo (100 cc.), o lévedo de panadería, o leite morno, a auga morna, 250 grs. da fariña e o sal. Trabállase a masa coas variñas até que se solte da cunca que estamos a usar e logo á man durante 10 minutos. Déixase repousar media hora e estírase en dúas partes co rodete.
3. Colócase a metade da masa nunha fonte de forno engraxada. Pínchase a masa cun garfo e esténdese sobre ela o recheo. Cóbrese coa otra metade da masa, que tamén hai que pinchar, e fáiselle un buraco no centro a xeito de cheminea. Sélanse as dúas partes e adórnase cos restos da masa. Enfórnase durante media hora a 180º.

[editar] Temporada

Todo o ano