Análise e deseño detallado de aplicacións de informática e de xestión/Compoñentes dos sistemas de xestión de bases de datos
Análise e deseño detallado de aplicacións de informática e de xestión | ||
← Volver a Uso das bases de datos | Compoñentes dos sistemas de xestión de bases de datos | Seguir con Funcionamento dos sistemas de xestión de bases de datos → |
Os compoñentes funcionais dun sistema de bases de datos pódense dividir un pouco por riba en compoñentes de procesamento de consultas e compoñentes de xestión de almacenamento.
Os compoñentes do procesamento de consultas inclúen:
- Compilador da linguaxe de manipulación de datos. Traduce as instrucións da linguaxe de manipulación de datos en linguaxe de consultas e instrucións a baixo nivel que o motor de avaliación de consultas entende.
- Precompilador da linguaxe de manipulación de datos incorporado. Converte as instrucións da linguaxe de manipulación de datos incorporadas na aplicación en chamadas a procedementos normais na linguaxe anfitrión. O precompilador debe coordinarse co compilador da linguaxe de manipulación de datos para xerar o código apropiado.
- Intérprete da linguaxe de definición de datos. Converte as instrucións da linguaxe de definición de datos e as rexistra nun conxunto de táboas que conteñen metadatos.
- Motor de avaliación de consultas. Executa as instrucións a baixo nivel xeradas polo compilador da linguaxe de manipulación de datos.
Os compoñentes de xestión de almacenamento proporcionan a interface entre os datos de baixo nivel almacenados na base de datos e as aplicacións e envío de consultas ao sistema.Este xestor inclúe:
- Xestor de autorización e integridade, que comproba que se satisfagan as ligaduras de integridade e a autorización para que os usuarios accedan aos datos.
- Xestor de transaccións, que se asegura de que a base de datos quede nun estado consistente (correcto) a pesares dos erros do sistema, e que as execucións de transaccións ocorran sen conflitos.
- Xestor de ficheiros, que xestiona a reserva de espazo de almacenamento en disco e as estruturas de datos usadas para representar a información almacenada en disco.
- Xestor de memoria intermedia que é o responsable de traer os datos do disco de almacenamento á memoria principal e decidir que datos tratar na memoria caché.
Ademais, necesítanse varias estruturas de datos como parte da integración física do sistema:
- Ficheiros de datos, que almacenan a base de datos en si.
- Dicionario de datos, que almacena metadatos acerca da estrutura da base de datos. O dicionario de datos úsase moito. Polo tanto, deberíase poñen grande énfase no desenvolvemento dun bo deseño para a posta en marcha eficiente do dicionario.
- Índices, que proporcionan acceso rápido a elementos de datos que teñen valores particulares.
- Datos estatísticos, que almacenan información estatística sobre os datos na base de datos. O procesador de consultas usa esta información para seleccionar as formas eficientes de executar unha consulta.
Análise e deseño detallado de aplicacións de informática e de xestión | ||
← Volver a Uso das bases de datos | Compoñentes dos sistemas de xestión de bases de datos | Seguir con Funcionamento dos sistemas de xestión de bases de datos → |