Análise e deseño detallado de aplicacións de informática e de xestión/Etapas do modelado conceptual

En Galilibros, o Wikibooks en galego.
Saltar ata a navegación Saltar á procura


O modelado conceptual ou deseño conceptual constitúe a primeira fase do desenvolvemento de bases de datos, e pode dividirse en dúas etapas ben diferenciadas:

Análise de requisitos[editar]

Esta é a etapa de percepción, identificación e descrición dos fenómenos do mundo a analizar. Elabórase un esquema descritivo da realidade mediante o estudo das regras do organismo a representar e das entrevistas cos usuarios dos distintos niveles da organización.

Para expresar este esquema descritivo adoita utilizarse a linguaxe natural, o que facilita aos usuarios da base de datos que especifiquen facilmente as súas necesidades.

Os posibles problemas que presente esta primeira especificación iranse solucionando ao longo do resto das etapas do deseño da base de datos.

Conceptualización[editar]

Nesta etapa refínase e estrutúrase axeitadamente o esquema descritivo. Nesta etapa haberá que buscar unha representación normalizada que se apoie nun modelo de datos que cumpra determinadas propiedades: coherencia, plenitude, non redundancia, simplicidade, fidelidade, etc. para finalmente chegar ao denominado esquema conceptual.