Análise e deseño detallado de aplicacións de informática e de xestión/Grafo relacional

En Galilibros, o Wikibooks en galego.
Saltar ata a navegación Saltar á procura


Unha forma de representar graficamente o esquema relacional dun xeito sinxelo e completo consiste no denominado grafo relacional, diagrama esquemático ou grafo de combinación.

É un gráfico composto dun conxunto de nodos multiparticionados, onde cada nodo representa un esquema de relación, é dicir, unha táboa da base de datos. Para cada táboa, como mínimo ha de aparecer o seu nome e mailos seus atributos, indicando a súa clave primaria (subliñando os atributos que a compoñen cunha liña continua) e as súas claves alleas (escritas con letra grosa).

Debúxase ademais un conxunto de arcos que conectan os atributos que constitúen a clave allea coa táboa referenciada, permitindo así que o usuario entenda os campos clave que comparten dominios comúns. Os arcos representan a referenciabilidade dos atributos (clave allea) dunha relación respecto á clave primaria da outra.