Análise e deseño detallado de aplicacións de informática e de xestión/Introdución ao desenvolvemento de bases de datos

Engadir ligazóns
En Galilibros, o Wikibooks en galego.


O desenvolvemento dunha base de datos compréndese dentro dun proceso máis amplo que vai dende o momento en que se toma a iniciativa de crear a base de datos ata que esta está totalmente operativa.

A creación dunha base de datos adoita ser unha operación difícil, longa e custosa, que non pode improvisarse. Non se trata só dunha cuestión de tipo técnico, xa que as repercusións que esta decisión pode ter en todos os niveis da empresa (transferencia de responsabilidades entre persoas e servizos, reorganización do departamento de informática, formación dos usuarios, cambio de determinados métodos de traballo, etc.) convértena nunha decisión que atangue á política empresarial, polo que non deben abordala unicamente os técnicos.

Así pois, a responsabilidade das decisións relativas a todo o proceso de creación dunha base de datos non corresponde unicamente aos informáticos, senón que, en certas fases, son os directivos e mailos usuarios quen mesmo teñen o protagonismo.

Nos seguintes apartados veremos as distintas fases que comprende a posta en funcionamento dun sistema de información orientado cara as bases de datos:

  1. Estudo previo e plan de traballo.
  2. Concepción da base de datos e selección do equipo.
  3. Deseño lóxico e carga de datos.
  4. Entradas e saídas do proceso de desenvolvemento.


Traído desde «https://gl.wikibooks.org/w/index.php?title=Análise_e_deseño_detallado_de_aplicacións_de_informática_e_de_xestión/Introdución_ao_desenvolvemento_de_bases_de_datos&oldid=15259»