Análise e deseño detallado de aplicacións de informática e de xestión/Linguaxes de bases de datos

Engadir ligazóns
En Galilibros, o Wikibooks en galego.


Linguaxes de definición de datos[editar]

O sistema de xestión de bases de datos cun compilador da linguaxe de definición de datos cuxa función será procesar as instrucións da linguaxe de definición de datos para identificar as descricións dos esquemas dos datos e almacenalas no dicionario de datos ou catálogo do sistema. Un dicionario de datos é un ficheiro que contén metadatos. O sistema de xestión de bases de datos consulta o dicionario antes de ler e actualizar os datos reais do sistema.

Cando nos sistemas de xestión de bases de datos se mantén unha clara separación entre os niveis conceptual e interno, a linguaxe de definición de datos servirá só para describir o esquema conceptual. Utilízase outra linguaxe para describir o nivel interno: linguaxe de definición de almacenamento. Para a verdadeira arquitectura de tres esquemas, necesitaríase unha terceira linguaxe: a linguaxe de definición de vista, para especificar as vistas dos usuarios.

Linguaxes de manipulación de datos[editar]

Unha linguaxe de manipulación de datos é unha linguaxe que permite aos usuarios acceder ou manipular os datos organizados mediante o modelo de datos axeitado. Hai dous tipos basicamente:

  • Procedimentais. Requiren que o usuario especifique que datos se necesitan e como obter eses datos.
  • Non procedimentais. Rqequiren que o usuario especifique que datos se necesitan, sen especificar como obter eses datos.

En moitos sistemas de xestión de bases de datos pódense introducir instrucións en linguaxe de manipulación de datos de maneira interactiva dende un terminal ou incorporándoas nunha linguaxe de alto nivel de propósito xeral.

As linguaxes de manipulación de datos procedimentais deben ser incorporadas nunha linguaxe anfitrión para que o sistema de xestión de bases de datos poda incorporalas. Este tipo de linguaxe obtén rexistros individuais e os procesa por separado, por tanto, necesita utilizar elementos da linguaxe de programación coma a creación de ciclos para procesar cada rexistro individual dun conxunto de rexistros. Por este motivo, as linguaxes de manipulación de datos procedimentais tamén se chaman “de rexistro a rexistro”.

As linguaxes de manipulación de datos (coma o SQL) poden especificar e recuperar moitos rexistros cunha única instrución en linguaxe de manipulación de datos, e é por iso que se lles chama linguaxes de manipulación de datos orientadas a conxuntos. As linguaxes de manipulación de datos non procedimentais poden utilizarse de maneira interactiva ou incorporadas nunha linguaxe de programación.


Traído desde «https://gl.wikibooks.org/w/index.php?title=Análise_e_deseño_detallado_de_aplicacións_de_informática_e_de_xestión/Linguaxes_de_bases_de_datos&oldid=15261»