Saltar ao contido

Análise e deseño detallado de aplicacións de informática e de xestión/Sistemas de almacenamento de información

Engadir ligazóns
En Galilibros, o Wikibooks en galego.


Hoxe en día existen dous sistemas informáticos para o almacenamento de información.

Sistema orientado ao procesamento

[editar]

Os sistemas de almacenamento da información orientados ao seu procesamento basean o seu traballo en ficheiros. Este tipo de sistemas caracterízase por:

  • almacenamento da información en ficheiros,
  • pouca relación entre os datos,
  • redundancias e inconsistencias nos datos,
  • dependencias de ficheiros e aplicacións e
  • problemas ao engadir novos datos.

As características negativas máis salientables deste tipo de sistemas son a dependencia de software específico (un tipo de ficheiro ten que abrirse cun programa específico), e mailos problemas que xorden á hora de engadir novos campos de información, o cal esixe cambiar a estrutura do ficheiro no que se gardan os datos, así coma a estrutura interna do programa que le ditos ficheiros.

Sistema orientado aos datos

[editar]

Os sistemas de almacenamento de información orientados aos datos basean o seu traballo en bases de datos. Unha base de datos é un conxunto de datos relacionados entre si e almacenados sen redundancias innecesarias. Este tipo de sistemas comezou a implantarse durante a década dos 60, adquirindo especial importancia a partires da década dos 70.

Entre as súas características salienta a independencia do almacenamento dos datos e o software de xestión utilizado. Asemade, para engadir un novo campo, o único que se necesita neste tipo de sistemas é modificar unha táboa, sen necesidade doutras modificacións.

Véxase tamén

[editar]

Ligazóns externas

[editar]


Obtido de «https://gl.wikibooks.org/w/index.php?title=Análise_e_deseño_detallado_de_aplicacións_de_informática_e_de_xestión/Sistemas_de_almacenamento_de_información&oldid=15245»