C++/Vocabulario

C++
	Vocabulario

Xestor

O termo “xestor” emprégase para facer referencia a calquera técnica que permita acceder a outro obxecto. Trátase dun termo intencionalmente ambiguo, unha forma de non entrar en detalle sobre a forma en que se fai a referencia.

Hai casos en que esta ambigüidade resulta beneficiosa. Por exemplo, durante as primeiras etapas do deseño dun software, pode que aínda non estea preparado para decidir cal das representacións dun xestor vai empregar. Pode que non teña claro se vai empregar un punteiro, unha referencia, un punteiro a un punteiro, unha referencia a un punteiro, unha matriz con índices de tipo enteiro, cadeas de caracteres coas que buscar nunha táboa de relacións código-valor, etc. Se o único que se ten claro é que se necesitará de algo que identifique e faga referencia a un obxecto, “xestor” é a palabra a empregar.

C++
	Vocabulario