Cociña/Fajitas
< Cociña
Preparación[editar]
Material necesario[editar]
Ingredientes[editar]
- Aceite (a criterio do cociñeiro).
- Allo (1 dente).
- Cebolas (¼ × persoa).
- Leituga (1 folla × persoa).
- Pementa (a criterio do cociñeiro).
- Pemento picante (¼ cullerada × persoa).
- Pemento verde (¼ × persoa).
- Pemento vermello (¼ × persoa).
- Polo (75 gramos × persoa).
- Sal (a criterio do cociñeiro).
- Tomates (1 × persoa).
- Tortas de trigo (2 × persoa).
Útiles[editar]
- Tixolas (2).
Instrucións[editar]
- Poñer o forno a quentar a 180 graos. Mentres vaia quentando, seguir o resto das instrucións. En canto estea listo, introducir as tortas, deixalas o que se indique no seu envase (normalmente 5 minutos) e sacar do forno en canto estean listas.
- Cortar os pementos en tiras grosas e a cebola en tiras pequenas, picada.
- Poñer aceite —dúas culleradas— na máis grande das tixolas, e acender o lume.
- Cando o aceite estea quente, engadir o pemento, a cebola e sal. Terá que facerse durante 15 minutos, e haberá que ir remexendo o contido da tixola de cando en vez.
- Mentres se fai a verdura, cortar o polo en tiras finas, e botarlle sal e pementa. Deixar nun plato de momento.
- Cortar o tomate en anacos pequenos, a poder ser sen sementes.
- Botar o tomate na tixola coas verduras, e deixar facerse outros 10 minutos, de novo remexendo de cando en vez.
- Pelar o allo e cortalo pola metade.
- Poñer o allo e aceite —dúas culleradas— na segunda tixola, e acender o lume.
- Cando o aceite da segunda tixola estea quente, botar o polo, e facelo ata que quede dourado polas dúas caras.
- Cando estea listo, engadir o polo ás verduras na primeira tixola. O allo pode tirarse.
- Botar o pemento picante.
- Picar a leituga e engadila á primeira tixola tamén.
- Remexer todo.
- Encher as tortas coa mestura da primeira tixola.
Categorías:
- Receitas con aceite
- Receitas con allo
- Receitas con cebola
- Receitas con leituga
- Receitas con pementa
- Receitas con pemento picante
- Receitas con pemento verde
- Receitas con pemento vermello
- Receitas con polo
- Receitas con sal
- Receitas con tomate
- Receitas con torta de trigo
- Receitas que requiren tixola
- Receitas de pratos