Airsoft/Outros elementos

Á parte do armamento, protección e roupa, hai outras cousas que os xogadores deben ter, coma un reloxo, unhas ferramentas, algo para comer e beber, e un kit de primeiros auxilios.

Reloxo de pulseira

Tódolos xogadores deben levar un reloxo de pulseira, xa que moitas partidas teñen límite tempo, e axudan a coordinar as accións co resto do equipo.

Ferramentas

Unha ferramenta multiusos como unha navalla suíza ou unha Leatherman é algo que moitos xogadores teñen e utilizan. Son útiles para realizar pequenas reparacións no campo, e son tamén útiles cando se cociña ou se fan outras actividades. Pero asegúrate de que a tes nun lugar seguro. Garda a ferramenta de maneira que ninguén, incluíndote ti, poida facerse dano.

Comida e bebida

Como calquera xogador con experiencia sabe, necesitas comida e algo de beber mentres xogas. Leva sempre contigo algún líquido para beber. Auga, zume ou similares son as mellores bebidas. NON bebas café, CocaCola ou té.

Ata a comida se debe escoller coidadosamente. Froita, pastas ou similares son o mellor para comer durante a partida. Non comas barras de chocolate. Si, dan enerxía durante un período curto de tempo, pero entón a cantidade de azucre no sangue diminúe. E o chocolate vólvese pegañento cando fai calor.

Non importa o que fagas, non tomes bebidas alcohólicas antes ou durante o xogo.

Primeiros auxilios

Asegúrate que sempre haxa alguén que poida utilizar un kit de primeiros auxilios no campo de batalla, e que dispoña del. O Airsoft non é un deporte perigoso, pero poden suceder accidentes, e os primeiros auxilios poden ser a diferenza entre ter que descansar un par de días ou estar na cama semanas. Se os primeiros auxilios se dan de xeito incorrecto, pódese causar máis dano. E non esquezas que na maioría de accidentes que te sucedan, ti é o responsable.