C/Características de C

En Wikibooks, o Galilibros en galego.

Estas son algunhas das características máis salientables da linguaxe de programación C:

Índice 1 Linguaxe estruturada 2 Linguaxe de nivel medio 3 Portabilidade 4 Erros en tempo de execución 5 Mestura de tipos de datos 6 Poucas palabras clave 7 Modulación 8 Linguaxe compilada

[editar] Linguaxe estruturada

Un programa en C consiste nunha serie de ordes que se executan unha tras da outra, con algúns elementos que poden alterar a execución lineal, como estruturas alternativas ou repetitivas. Este modelo de programación non é o máis achegado á forma de pensar das persoas.

[editar] Linguaxe de nivel medio

C considérase unha linguaxe de nivel medio, pois combina os elementos das linguaxes de alto nivel coa funcionalidade propia da linguaxe ensambladora. É dicir, ofrece un rendemento propio de programas escritos en linguaxe ensambladora, ao mesmo tempo que carece de certas restricións propias de linguaxes coma Pascal.

Outra funcionalidade de C propia de linguaxes de baixo nivel é a súa forma de manexar o uso da memoria. Permite a manipulación de bits, bytes, enderezos de memoria e punteiros, motivo polo cal é unha linguaxe especialmente axeitada á hora de programar sistemas operativos.

Estas funcionalidades propias de linguaxes de baixo nivel, por outra banda, son o motivo de que se cometan tantos erros ao traballar con C.

[editar] Portabilidade

Un programa en C pode compilarse perfectamente para funcionar en calquera sistema operativo, xeralmente sen necesidade de facer ningún gran cambio previo.

[editar] Erros en tempo de execución

Un programa feito en C, unha vez compilado, non está preparado para a comprobación de erros en tempo de execución. É dicir, durante a execución do programa nada impide que se superen os límites dunha array, ou que os valores asignados a unha variable non sexan superiores ao máximo valor que esta pode conter (desbordar). En C é o desenvolvedor o que ten que asegurarse de levar a cabo todas estas comprobacións.

[editar] Mestura de tipos de datos

C non esixe unha compatibilidade estrita entre os tipos de datos á hora de facer operacións, de xeito que nunha mesma expresión poden mesmo mesturarse díxitos e caracteres, así coma números enteiros e números reais. Durante a execución realízanse as conversións de tipo pertinentes. Así e todo, é preferible para mellorar o rendemento do programa prever ditas conversións e evitalas sempre que sexa posible.

[editar] Poucas palabras clave

C só ten 32 palabras clave, fronte ás máis de cen que teñen outras linguaxe de programación, coma Basic.

[editar] Modulación

C non permite a creación de funcións dentro doutras funcións. Porén, permite modular o código fonte en partes, permitindo chamar funcións dende outras funcións a través de ficheiros separados. A longo prazo a modulación do código fonte, separando cada función nun ficheiro a parte, resulta moi beneficiosa para o programador, e permite aproveitar facilmente unha función dun programa para outro programa distinto.

[editar] Linguaxe compilada

C é unha linguaxe compilada, e por tanto ten a vantaxe da velocidade e maila eficiencia, pero isto implica que cada cambio no código fonte fai necesario repetir o proceso de compilación.