Receitas de filloas/Filloas de centeo

As receitas aquí expostas serán de carácter sinxelo, a fin de favorecer unha rápida comprensión das mesmas. Os produtos pódense atopar en calquer establecemento adicado a alimentación.

Ingredientes

• 4 ovos
• 3 culleradas de fariña de centeo
• 6 culleradas de fariña de trigo
• 1 vaso de auga
• 1 vaso de leite
• 1 cullerada de canela (nunha culler das do café)
• 1 nasco de touciño (no seu defecto, manteiga de vaca)
• mel

Preparación e Presentación

• Mestúranse os ovos, as fariñas e a canela a que se lle vai engadindo auga e leite (se é necesario na menor cantidade da indicada) ata facer unha pasta lixeira. Unha vez posta a tixola ao lume e untada con touciño ou manteiga de vaca, bótase un pouco de masa movendo a tixola para que se estenda nunha fina capa. Se sobra masa, escórrese por unha beira; cando comece a dourarse dáselle a volta agarrando cos dedos (hai quen utiliza unhas pinzas de madeira).

Feitas as filloas, pódense aderezar con mel ou outro produto ao gusto da persoa que consome.

Provén do artigo principal da Galipedia Filloa