C/C fronte a outras linguaxes de programación

En Wikibooks, o Galilibros en galego.

A linguaxe de programación C é a linguaxe de programación máis utilizada á hora de programar sistemas operativos. Unix foi o primeiro sistema operativo programado en C. Máis adiante escribíronse tamñen en C Microsoft Windows, Mac OS X, e GNU/Linux.

C non é so a linguaxe dos sistemas operativos, senon que é a precursora de case todas as linguaxes de alto nivel dispoñibles hoxe en día. De feito, Perl, PHP, Python, e Ruby escribíronse todas en C.

Para entendermos mellor o asunto, fagamos un paralelismo. Digamos que vas aprender francés, italiano, e catalán. Non cres que saber latín podería resultarche útil? Pois do mesmo xeito que o latín é a base desas linguas, coñecer C permitirache comprender e apreciar unha familia enteira de linguaxes de programación feitas todas elas a partires de C.

[editar] Por que C e non linguaxe ensambladora?

Porque a linguaxe ensambladora, malia a súa potencia, e difícil de máis á hora de programar aplicacións longas, e difícil de ler ou interpretar de maneira lóxica. A linguaxe ensambladora pode convertirse directamente en binaria sen necesidade de compilar, namentres que C ten que ser convertida a binario, é dicir, compilada. Ademáis, C dalle ao programador a opción de programar en linguaxe ensambladora dentro do propio código C, dándolle aos programadores a opción de optimizar unha parte de código moi importante ou moi utilizada en linguaxe ensambladora.

[editar] Por que C, e non Java, Basic ou Perl?

Principalmente pola asignación de memoria. Ao contrario que moitas das linguaxes informáticas, C permítelle ao programador asignar memoria do mesmo xeito que o faría na linguaxe ensambladora. Linguaxes coma Java e Perl liberan ao programador de se preocupar da asignación de memoria. Isto adoita ser bo. É algo pesado tratar coa asignación de memoria cando se fai un programa en linguaxe de alto nivel coma unha declaración trimestral de ingresos. Mais cando se trata de código de baixo nivel coma esa parte do sistema operativo que traslada as cadeas de bytes que envían esa declaración trimestral de ingresos desde a memoria da computadora ao búfer da tarxeta de rede de xeito que pode mandarse á rede da impresora, o acceso directo á memoria é imprescindible, algo que con Java é simplemente imposible de facer. C pode compilarse en código máquina rápido e eficiente.

Como se explica entón que C non sexa unha linguaxe tan popular?

Pois resulta que a seguinte xeración de programas segue a tendencia dos seus predecesores. Os sistemas operativos deseñados en C teñen sempre bibliotecas deseñadas en C. Esas bibliotecas do sistema úsanse ao mesmo tempo para crear bibliotecas de máis alto nivel (coma OpenGL, GTK...), e os deseñadores desas bibliotecas adoitan decidir usar a linguaxe que usaron as bibliotecas do sistema. Os desenvolvedores de apliacións utilizan as bibliotecas de máis alto nivel para deseñar procesadores de texto, xogos, reprodutores de medios, e semellantes. Moitos deles escollerán programar na linguaxe que use a biblioteca de máis alto nivel. E así unha e outra vez.