AJAX/Problemas e inconvenientes

En Galilibros, o Wikibooks en galego.
Saltar ata a navegación Saltar á procura
AJAX
← Volver a Tecnoloxías Problemas e inconvenientes


AJAX presenta unha serie de problemas en inconvenientes que cómpre coñecen antes de empregar a linguaxe:

  • As páxinas con AJAX son máis difíciles de desenvolver que as páxinas estáticas.
  • As páxinas creadas de maneira dinámica mediante sucesivas peticións AJAX non se rexistran de forma automática no navegador web do visitante, así que cando este intente a acción de «volver» no navegador non volverá a un estado anterior da páxina, senón á páxina na que estaba antes de entrar na páxina feita con AJAX. Existen algunhas solucións, coma empregar marcos incrustados invisibles para provocar os cambios no historial do navegador web ou cambiar a porción da sección no URL (o que vai despois do «#»).
  • Os motores de busca non entenden JavaScript, polo que a información das páxinas dinámicas non se almacena nos rexistros do buscador.
  • Existen problemas cando se emprega AJAX entre distintos nomes de dominios, se ben é por motivos de seguridade.
  • Os sitios que empregan AJAX consumen máis recursos no servidor web.
  • É posible que algunhas páxinas con AJAX non funcionen correctamente en teléfonos móbiles, dispositivos PDA ou outros aparellos. Ademais, AJAX non é compatible con todos os programas para cegos ou persoas con outras discapacidades.


AJAX
← Volver a Tecnoloxías Problemas e inconvenientes