Advanced Packaging Tool/Proxy

En Galilibros, o Wikibooks en galego.


Para configurar APT de xeito que faga uso do proxy, procédese do seguinte xeito:

Consola[editar]

Antes de comezar, téñase en conta que serán necesarios permisos de administrador (root) para realizar estas tarefas.

Movémonos ao directorio de APT:

$ cd /etc/apt/

Editamos ou creamos o ficheiro apt.conf cun editor en modo texto. Neste exemplo utilizarase nano:

$ nano apt.conf

Ao ficheiro de texto engadímoslle a seguinte liña:

Acquire::http:Proxy "http://usuario:contrasinal@servidor:porto";

onde:

usuario é o nome do usuario co que nos conectamos ao proxy.
contrasinal é o contrasinal que dito usuario utiliza para conectarse ao proxy.
servidor é o enderezo web do servidor proxy ao que nos imos conectar.
porto é o porto do servidor proxy ao que nos imos conectar.