Cociña/Albóndegas en salsa

En Galilibros, o Wikibooks en galego.
< Cociña(Redirixido desde "Albóndegas en salsa")
Saltar ata a navegación Saltar á procura

Material necesario[editar]

Ingredientes[editar]

  • Aceite (a criterio do cociñeiro).
  • Allo (2 dentes × ración).
  • Auga (a criterio do cociñeiro).
  • Cebola (100 gramos × ración).
  • Pementa (a criterio do cociñeiro).
  • Sal (a criterio do cociñeiro).

Útiles[editar]

Preparación[editar]

  1. Abrandar a verdura para as albóndegas:
    1. Poñer auga a quentar na ola.
    2. Cando a auga estea a ferver, botar ¼ da cebola e ¼ dos dentes de allo, ambos ingredientes pelados.
    3. Aos 2 minutos, sacalos da ola e enfrialos con auga.
  2. Comezar coa salsa:
    1. Picar o resto do allo, e cortar en tiras o resto da cebola.
    2. Poñer a tixola ao lume, baixo, e botarlle catro culleradas de aceite por ración.
    3. Cando o aceite estea quente, botar o allo picado, a cebola en tiras, un pouco de sal e o laurel.
  3. Preparar as albóndegas:
    1. Picar moi ben o allo e a cebola que se pasaron pola ola ao principio.
    2. No cunco, botar a carne picada, o perexil, a cebola, o allo, o ovo, o pan relado e un pouco de pementa.
    3. Mesturar o contido do cunco cun garfo ata que quede homoxéneo.
    4. Humedecer as mans, e a continuación ir collendo coa culler pequenas porcións da mestura, darlle forma arredondada coas mans, e deixar nun prato limpo. Deberían saír arredor de 6 albóndegas por ración.
  4. Continuar coa salsa e fritir as albóndegas:
    1. Poñer a quentar o caldo de polo na ola.
    2. Cando a cebola (na tixola) teña unha cor transparente o cunha pouca de cor, botar 1 cullerada de fariña na tixola, e remexer durante 1 minuto.
    3. Poñer a quentar un pouco de aceite na segunda tixola.
    4. Engadir o viño branco á primeira tixola, e subir o lume.
    5. Pasar as albóndegas pola fariña, sacudilas ben e ir botándoas na segunda tixola para fritilas. Unha vez fritidas, incorporar á primeira tixola.
  5. Últimos detalles:
    1. Cando o viño reducise, botar o caldo de polo e deixar 5 minutos.
    2. Incorporar á tixola principal o azafrán e os chícharos, e deixar 10 minutos máis.

Gornición[editar]

Este prato pode acompañarse dalgunha das seguintes gornicións: