CMake/set

En Galilibros, o Wikibooks en galego.
Saltar ata a navegación Saltar á procura
CMake
← Volver a project set


A orde set() permite darlle un certo valor a unha variable.

Sintaxe[editar]

set(variable valor
      [[CACHE tipo cadea_da_documentacion [FORCE]] | PARENT_SCOPE])

A variable indicada pasará a ter o valor fornecido. Se CACHE está presente, a variable vai á caché. Nese caso, será obrigado indicar o tipo e maila cadea_da_codumentacion. O tipo emprégase para escoller o trebello co que a interface gráfica de CMake lle permitirá ao usuario establecer o valor, a escoller entre:

  • FILEPATH, diálogo de escolla dun ficheiro.
  • PATH, diálogo de escolla dun directorio.
  • STRING, cadea.
  • BOOL, caixa de escolla que poida estar ou non marcada.
  • INTERNAL, sen entrada na interface gráfica (emprégase para variables persistentes).

Se o tipo se pon a INTERNAL, o valor escribirase sempre na caché, substituíndo calquera valor previo. Se non se trata dunha variable de caché, escríbese sempre no ficheiro makefile actual. A opción FORCE substituirá o valor da caché eliminando calquera cambio efectuado polo usuario.

Se PARENT_SCOPE está presente, a variable establecerase no ámbito que está xusto por riba do actual. Cada novo directorio ou función crea un ámbito novo. Esta orde establecerá o valor da variable no directorio pai ou a función de chamada (o que se corresponda en cada caso).

Eliminar a variable[editar]

Se non se indica un valor, a variable elimínase en lugar de dárselle un valor. Véxase tamén a orde unset().

Varios valores[editar]

No seguinte caso o valor da variable estará conformado por unha lista de valores separados os uns dos outros por un punto e coma («;»):

set(variable valor1 ... valorn)

Variables de ambiente[editar]

A variable pode ser unha variable de ambiente coma:

set( ENV{PATH} /home/usuario )

Nese caso, daráselle o valor á variable de ambiente.


CMake
← Volver a project set