Cociña/Espaguetes á bolognesa

Preparación

Material necesario

Ingredientes

• Aceite (unha cullerada).

• Auga (a criterio do cociñeiro).

• Carne picada (200 gramos × persoa).

• Espaguetes (100 gramos × persoa).

• Orégano (un chisco).

• Queixo relado (un chisco).

• Sal (a criterio do cociñeiro).

• Salsa bolognesa (175 gramos × persoa).

Útiles

• Ola (1).
• Tixola (1).

Instrucións

1. Encher a ola de auga.
2. Botarlle sal, o aceite e orégano.
3. Acender o lume da ola, alto.
4. Poñer a tixola ao lume.
5. Botar a carne picada nela, e ila movendo de cando en vez, así durante uns cinco minutos.
6. Cando xa esté lista a carne, botar a salsa bolognesa sobre a carne, cubríndoa dentro do posible, e remexer ben extendendo a salsa equitativamente.
7. Baixar o lume da tixola ao mínimo, e deixar a carne coa salsa remexendo de cando en vez.
8. Cando ferva a auga, botar os espaguetes, procurando que a auga os cubra completamente.
9. Entre 10 e 20 minutos despois de botar os espaguetes, estarán listos. Chegado o momento, apagar o lume e deixar escorrer a auga dos espaguetes polo vertedoiro.
10. Servir os espaguetes.
11. Apagar o lume da tixola e botar a carne coa salsa por riba dos espaguetes.
12. Botar o queixo relado por riba.