Cociña/Tortilla de patacas

Preparación

Material necesario

Ingredientes

• Aceite (a criterio do cociñeiro).

• Cebola (1).

• Ovos (5).

• Patacas (3).

• Sal (a criterio do cociñeiro).

Útiles

• Espátula (1).
• Prato fondo (1).
• Prato chan máis grande que a tixola mediana (1).
• Tixola profunda para fritir (1).
• Tixola mediana para a tortilla (1).

Instrucións

1. Coller a cebola e:
   1. Pelala.
   2. Picala en anacos pequenos.
2. Coller as patacas e:
   1. Pelalas e sacarlles as manchas escuras.
   2. Lavalas.
   3. Cortalas en láminas, nin delgadas nin grosas.
3. Na tixola para fritir:
   1. Poñer abundante aceite (debería cubrir a cebola e as patacas a continuación).
   2. Acender a lume medio.
   3. Cando o aceite estea quente, botar a cebola e as patacas.
   4. Reducir a lume baixo.
   5. Deixar fritir durante entre 15 e 25 minutos (debe sacarse antes de que as patacas empecen a dourarse).
   6. Unha vez tenras as patacas, sacalas xunto coa cebola e escorrer o aceite.
4. No prato fondo:
   1. Botar os ovos.
   2. Engadir sal.
   3. Bater ata que a mestura quede espumosa.
   4. Entón, botar as patacas e a cebola.
   5. Remexer de seguida.
5. Coller a tixola mediana e:
   1. Engraxala con aceite.
   2. Poñela a lume baixo.
   3. Botar a mestura do prato fondo.
   4. Cando a mestura empece a separarse ben das pareces (comprobalo coa espátula), situar o prato chan sobre a tixola, e darlle a volta á tixola rapidamente, quedando a tortilla sobre o prato.
   5. A continuación, botar a tortilla na tixola de novo, desta vez quedará coa parte feita por riba (démoslle a volta).
   6. Axudarse da espátula para darlle forma á tortilla, somerxendo os bordos principalmente.
6. Cando estea feita polo outro lado, sacar e servir.

Véxase tamén

• Vídeo explicativo (en castelán).