GNU Linux/etc

GNU Linux
← Volver a dev	etc	Seguir con home →

No directorio /etc/ almacénanse os ficheiros de configuración do sistema.

/etc/fstab

É un ficheiro que contén instrucións de montaxe automática dos dispositivos do sistema. Cada vez que se inicie o sistema, este lerá o ficheiro e executará mount con cada liña. Isto permite unha gran variedade de cousas. Podemos montar tantas particións como queiramos nas rutas que prefiramos, montar os CDs automaticamente ou non, etc.

Un exemplo deste ficheiro podería ser o seguinte:

# /etc/fstab: static file system information.
#
# <file system> <mount point>   <type>  <options>       <dump>  <pass>
proc            /proc           proc    defaults        0       0
# /dev/sda3
/dev/sda3       /               ext3    relatime,errors=remount-ro 0       1
# /dev/sda1
/dev/sda1       /boot           ext3    relatime        0       2
# /dev/sda2
/dev/sda2       none            swap    sw              0       0
/dev/scd0       /media/cdrom0   udf,iso9660 user,noauto,exec,utf8 0       0
linux:/homesrv  /homesrv        nfs     defaults        0       0

Como se pode apreciar,

o primeiro parámetro é o do dispositivo ou medio a montar,

o segundo é o directorio no que se quere montar,

o terceiro é o sistema de ficheiros do dispositivo ou medio, e

o cuarto son as opcións (véxase mount).

Ao apagar o sistema, este engargarase de desmontar as particións sinaladas no ficheiro.

Para recargar o ficheiro, é dicir, volver realizar as montaxes indicadas, utilízase a orde mount:

mount -a

Outros

/etc/environment

Ficheiro que contén variables globais do sistema, coa súa definición.

/etc/group

Ficheiro no que se gardan as directivas de privilexios do sistema.

/etc/hostname

Ficheiro no que se garda o nome da máquina.

Está presente na meirande parte das distribucións de GNU/Linux, pero non en todas.

/etc/hosts

Ficheiro utilizado polo sistema operativo para gardar as correspondencias entre dominios da rede e enderezos IP.

/etc/issue

Ficheiro que contén a información que aparece nas terminais de inicio de sesión en modo texto, antes de pedir os datos de identificación (usuario e contrasinal).

/etc/passwd

Ficheiro no que se garda a lista de usuarios do sistema con diversos datos dos mesmos.

Notas

GNU Linux
← Volver a dev	etc	Seguir con home →