Modelo:Expresións regulares/Secuencias de escape
A barra invertida («\») ten diversos usos. O primeiro, se vai seguida dun carácter que non sexa alfanumérico, invalida calquera efecto especial dese carácter. Este uso da barra invertida como carácter de escape aplícase tanto dentro como fóra das clases de caracteres.
Por exemplo, para obter unha coincidencia co carácter «*» emprégase o patrón «\*». Isto é así alén de que o carácter que siga á barra invertida fose ou non a actuar como meta-carácter en caso contrario, así que é seguro preceder sempre os caracteres non alfanuméricos cunha barra invertida para indicar que se representan a si mesmos. Para que a barra invertida se represente a si mesma, escríbense dúas: «\\».
Outro uso da barra invertida é para facer referencia a tipos de caracteres xenéricos:
- \d
- Calquera díxito decimal.
- \D
- Calquera carácter que non sexa un díxito decimal.
- \w
- Calquera carácter de palabra[1].
- \W
- Calquera carácter que non sexa de palabra.