Python/Funcionalidades
< Python
| Python | ||
| Funcionalidades | Seguir con Novidades na versión 3.1 → | |
A seguinte é unha lista dalgunhas das funcionalidades e características máis salientables desta linguaxe:
- A sintaxe é estrita pero clara, o que implica non só que resulta doada de comprender, senón que é obrigatorio que os códigos feitos en Python sexan doados de ler, por así dicilo. Senón non funcionan!
- A súa biblioteca de funcións estándar é moi completa, e permite entre outras cousas conectarse a servidores web, buscar texto empregando expresións regulares e ler e modificar ficheiros. Se a isto se lle engaden as bibliotecas libres deterceiros dispoñibles, Python permite facer case calquera cousa.
- Conta cun “modo interactivo” mediante o cal se poden probar de maneira doada pequenos fragmentos de código.
- As súas funcionalidades poden ampliarse mediante o uso de extensións e módulos noutras linguaxes de programación, coma C ou C++.
- Está dispoñible para un gran número de plataformas, e non necesita de cambios no código dunha plataforma a outra.
- É software libre, e tras desta linguaxe hai unha gran comunidade.
Respecto da linguaxe en si, cómpre salientar as seguintes funcionalidades:
- Tipos de datos dinámicos de moi alto nivel: números (en coma flotante, complexos e enteiros sen lonxitude límite), cadeas (tanto ASCII coma Unicode), listas e dicionarios.
- Soporte para programación orientada a obxectos, con clases e herdanza múltiple.
- O código pode agruparse en módulos e paquetes.
- Manexo de erros mediante o uso de excepcións.
- O manexo dos tipos de datos é moi estrito, o que permite detectar erros con maior facilidade.
- Python conta con funcionalidades avanzadas tales coma xeradores e máis analizadores de listas.
- Python permite xestionar a memoria de maneira automática.
| Python | ||
| Funcionalidades | Seguir con Novidades na versión 3.1 → | |