RAR/Comprimir en GNU Linux

En Galilibros, o Wikibooks en galego.
< RAR
Saltar ata a navegación Saltar á procura
RAR
← Volver a Instalación en Linux Comprimir en GNU Linux

Comprimir en partes[editar]

Para comprimir un ficheiro en partes en GNU/Linux temos que operar desde unha terminal/consola. Unha vez aberta unha, situámonos nela no directorio onde se atopa o ficheiro que queremos comprimir en partes. Unha vez esteamos no directorio, executaremos unha liña que seguirá este esquema[1]:

rar a -m<nivel de compresión> -v<tamaño><unidade> <nome das partes> <nome do ficheiro a comprimir>

Velaquí a explicación do comando:

  • rar a: é o comando que se usa sempre para comprimir ficheiros en formato RAR por consola.
  • -m<nivel de compresión>: neste comando eliximos o nivel de compresión que van ter as partes resultantes. O valor de <nivel de compresión> pode ser un número enteiro entre o 0 e o 5, ambos os dous incluídos. 0 non comprime, só arquiva. 5 é o máximo nivel de compresión[2].
  • -v<tamaño><unidade>: neste comando eliximos o tamaño que han ter as partes resultantes.
    • <tamaño>: cantidade en valor numérico (300, 500, 1200, etc.).
    • <unidade>: unidade en que queremos o valor numérico anterior (<tamaño>). Os seus valores poden ser:
      • m: se o valor numérico corresponde a megabytes (MB).
      • k: se o valor numérico corresponde a kilobytes (KB).
      • b: se o valor numérico corresponde a bytes (B).
  • <nome das partes>: aquí poremos o nome que queremos que teñas as partes resultantes.
  • <nome do ficheiro a comprimir>: aquí poremos o nome do ficheiro que imos comprimir. Non debemos esquecer incluír a extensión do ficheiro (.iso, .avi, .mkv, etc.).

E recordade, tanto para o <nome das partes> coma para o <nome do ficheiro a comprimir>, debedes escribir o nome entre comiñas dobres (") se leva espazos.

Exemplo[editar]

Para comprimir co máximo nivel de compresión o ficheiro Wikipedia.iso en partes de 250 MB chamadas Wikipedia en partes, escribiríamos na consola:

rar a -m5 -v250m "Wikipedia en partes" Wikipedia.iso

As partes resultantes nomearanse Wikipedia en partes.part1.rar, Wikipedia en partes.part2.rar, etc.

Notas[editar]

  1. tikitac-o-rama
  2. Randall's Story On The Net 2.0
RAR
← Volver a Instalación en Linux Comprimir en GNU Linux