Sintaxe da lingua galega/Complemento directo

En Galilibros, o Wikibooks en galego.
Saltar ata a navegación Saltar á procura

Complemento directo[editar]

O complemento directo (CD) achega o ser ou obxecto sobre o que recae a acción verbal.

Poden facer a función de obxecto directo un sintagma nominal sen preposición ou precedido pola preposición “a”, ou un pronome persoal átono: Cativaron unha ave preeira, cativárona.

Complemento directo. Exemplos de substitución pronominal.png

Recoñecemento[editar]

Táboa cos pronomes persoais átonos de CD e CI.

O complemento directo pode ser substituído polos pronomes átonos de CD presentes cadro:


O complemento directo convértese en suxeito ó substituír ao pasar a pasiva (Só se poden pasar a pasiva algunhas oracións con verbos transitivos que teñen complemento directo):

Paso a pasiva.png

O CD non concorda en número e persoa co verbo.

Exercicios[editar]

Calca para aumentar o tamaño
1. Pódese pasar a pasiva as seguintes oracións? Por que? Fai a pasiva.
  1. Xudas Iscariote foi un apóstolo de Xesús de Nazareth.
  2. O grou simboliza na heráldica o estado de espreita continuo.
  3. Alexander Graham Bell patentou o teléfono en 1876.
  4. Manuel Curros Enríquez morreu en 1908.
  5. O atol de Ujae creou unha lagoa de 185 km2.
  6. O teixugo escava numerosos tobos na terra.
  7. Ese gaivotón comeu as crías do teu parrulo engulíndoas enteiras.
Calca para aumentar o tamaño
2. Substitúe o CD por un pronome persoal átono.
  1. As enfermeiras arrefriaron o enfermo cun baño de auga morna.
  2. O construtor amorteceu o ruído do bar con cortiza.
  3. Hoxe ese recruta viu o sucedido por unha fenda da parede.
  4. O xardineiro cavará mañá unha gabia.
  5. Neste lugar construiremos rapidamente entre todos a latrina.
  6. Vou comprar o terreo lindante coa cabeceira da miña finca.
Calca para aumentar o tamaño
3. Indica o obxecto directo das seguintes oracións.
  1. As enfermeiras arrefriaron o enfermo cun baño de auga morna.
  2. O ciclista ten na deda gorda do pé esquerdo unha bocha.
  3. O construtor amorteceu o ruído do bar con cortiza.
  4. O oleiro esgotou pola mañá toda a arxila.
  5. Hoxe ese recruta viu o sucedido por unha fenda da parede .
  6. Nesa tenda só venden miudallas e cachifallos.
  7. Nunca na vida che me contaron un conto de lobishomes tan estraño.
  8. O xardineiro cavará mañá unha gabia.
  9. Un conduto entullado provocou a avaría e os problemas de subministro de auga.
  10. Neste lugar construiremos rapidamente entre todos a latrina.
  11. Vou comprar o terreo lindante coa cabeceira da miña finca.
  12. Túa curma sufriu un sinistro grave.

Solucións[editar]

Véxase tamén[editar]