Sintaxe da lingua galega/Oracións impersoais

En Galilibros, o Wikibooks en galego.
Saltar ata a navegación Saltar á procura

Oracións impersoais[editar]

As oracións impersoais son aquelas que non admiten suxeito léxico e levan un verbo en terceira persoa de singular. Hai tres tipos:

  • Oracións co verbo haber en 3ª persoa como verbo independente: Houbo un sismo no Xapón.
  • Oracións con verbos que se refiren a fenómenos da natureza: Hoxe sarabiou moito.
  • Oracións que se constrúen co pronome persoal “se”: Pénsase que o accidente foi cousa dos pneumáticos.
Oracións impersoais.png

Exercicios[editar]

Calca na imaxe e faino de novo na nova imaxe para aumentar o tamaño
1. Identifica as oracións impersoais.
  1. Fai falla un lapis.
  2. Hai unha lesma na leituga.
  3. Cada vez anoitece antes.
  4. Na Estrada véndense pisos.
  5. Gústanme os cómics.
  6. O polbo non me apetece.
  7. Esta chuvia manca.
  8. Mañá choverá todo o día.
  9. No claustro hai moitos profesores.
  10. Vai unha friaxe estarrecedora.
  11. De ti coméntase que traballas moito.
  12. Túa neta adormeceu axiña.
  13. Xusto agora acaban de saír.
  14. Hai unha asemblea luns próximo.
  15. Daquela esquecéranse da festa.


2. Indica o tipo de oración impersoal que son aquelas que no anterior exercicio identificaches e sinala o suxeito léxico e gramatical das demais.