Sistemas informáticos multiusuario e en rede/Licenzas de software

En Galilibros, o Wikibooks en galego.
Saltar ata a navegación Saltar á procura


Deixando de lado as pequenas diferencias e detalles das licenzas de software, existen tres grandes grupos de licenzas de software. Trátase de tipos de licenzas que teñen en común certos aspectos primordiais:

Software privativo[editar]

O software privativo, propietario ou de código pechado é aquel no que:

  • Só se proporciona o código executable (en linguaxe máquina), é dicir, non se proporciona o código fonte.
  • Por tanto, non se permite realizar ningún tipo de modificación.
  • Non se permite a copia, ou está limitada.

Software de código aberto[editar]

O software de código aberto ou open source é aquel no que:

  • Proporciónanse o código executable (xeralmente) e mailo código fonte.
  • Non necesariamente está permitida a modificación do código, ou esta está limitada, así coma pode estar limitado o uso ou distribución do software derivado.
  • A copia está permitida.
  • No caso de permitir as modificacións do código, o software derivado non está obrigado a ter a mesma licenza que o orixinal.

Software libre[editar]

O software libre é aquel no que:

  • Proporciónanse o código executable (xeralmente) e mailo código fonte.
  • Temos a liberdade de modificar o código, redistribuílo, estudalo e usalo.
  • A copia está permitida.
  • O código derivado da modificación debe publicarse baixo a mesma licenza que o código orixinal.