Wikibooks:Elección de administradores

En Galilibros, o Wikibooks en galego.

Proposta de administradores-burócratas para Wikibooks[editar]

Desde hai tempo faíse necesario nomear algúns usuarios para levar a cabo as tarefas de administración neste wiki para evitar vandalismos, traducir a interfaz, organizalos contidos,etc. Propoño para admistradores-burócratas a Xelo2004 e a Lmbuga que teñen demostrado ser persoas moi valiosas para os proxectos que compoñen a wikipedia en galego. Nas súas edicións pode constatarse o coñecemento do proxecto e a súa capacidade para levar adiante esa responsabilidade con éxito. Un cordial saúdo. --Prevert 22:45, 28 November 2005 (UTC)


  • A favor de Xelo2004 como administrador-burócrata:
  • --Prevert 22:45, 28 November 2005 (UTC)
  • --Xosé 23:31, 28 November 2005 (UTC)
  • --Agremon 07:00, 29 November 2005 (UTC)
  • --Alyssalover 09:25, 29 November 2005 (UTC)
  • --Rocastelo 17:14, 29 November 2005 (UTC)
  • --Lmbuga 22:24, 2 December 2005 (UTC)
  • En contra de Xelo2004 como administrador-burócrata:


  • A favor de Lmbuga como administrador-burócrata:
  • --Prevert 22:45, 28 November 2005 (UTC)
  • --Xosé 23:31, 28 November 2005 (UTC)
  • --Xelo2004 02:15, 29 November 2005 (UTC)
  • --Agremon 07:00, 29 November 2005 (UTC)
  • --Alyssalover 09:25, 29 November 2005 (UTC)
  • --Rocastelo 17:14, 29 November 2005 (UTC)
  • En contra de Lmbuga como administrador-burócrata:

Con data 10 de decembro de 2005: Apróbase a elección de Xelo2004 e Lmbuga como administradores-burócratas de Wikibooks. --Prevert 13:12, 10 December 2005 (UTC)

Proposta ("autoproposta") para que User:Lmbuga sexa administrador de Wikibooks.gl[editar]

Dado que non hai administradores en Wikilibros.gl e practicamente ningún usuario activo, coa intención de dar pulo a Galilibros, solicito dos membros do proxecto galego de Wikimedia, pois non hai normas de votación e calquera pode votar en Galilibros, que se manifesten na presente proposta e apoien a miña candidatura á administración.

Son consciente de que todo este procedemento sería anómalo e absurdo na Galipedia, pero a Galipedia non é Galilibros, Galilibros é actualmente un espazo case morto (sen administradores nin máis usuarios activos ca min e ca algúns poucos que fan fundamentalmente traballos de conservación) e un espazo sen sequera normas comunitarias: Calquera pode votar, inda sen ter edición previas nin ningunha presenza (penso eu).

Desexo ser administrador para facilitar o meu labor de recuperación deste espazo e intentar que esta parte do proxecto galego de wikimedia teña futuro. Xa fun administrador e renunciei fai anos por propia vontade. Desexo recuperar a condición que noutrora tiven para poder editar comodamente e, fundamentalmente, abrir a vía de colaboración con outros usuarios.

Sen un administrador resulta imposible editar na páxina da portada e cambiar a listaxe de libros presentes. Calquera labor sen un administrador activo quedaría, ó non poder ser listada na portada (pois non hai outra listaxe e está protexida), nunha escuridade plena. Iso está a pasar co último libro que estou a desenvolver (Inmersión na lingua galega).

Non tería inconveniente en que tivese condicións para ser administrador ou data de caducidade, inda que descoñezo se iso é posible. Nun inicio, abro a presente votación para que os usuarios opinen.--Lmbuga Commons - Galipedia 28 de marzo de 2014 ás 01:04 (UTC)

Esquecín dicir que esta proposta será publicada na taberna da Galipedia (wp:gl)--Lmbuga Commons - Galipedia 28 de marzo de 2014 ás 01:11 (UTC)
Votos a favor
  • {{Concordo}}. Non hai normas que impidan votar por un mesmo e eu considero ese feito sinceridade, xusto o contrario para min da vangloria--Lmbuga Commons - Galipedia 28 de marzo de 2014 ás 01:08 (UTC). No podê auto-proclamarte um voto. Leitoxx (conversa) 28 de marzo de 2014 ás 02:33 (UTC)
Ok, comprendo. Non podo saír aprobado co meu único voto. Grazas--Lmbuga Commons - Galipedia 28 de marzo de 2014 ás 13:42 (UTC)
Votos en contra


Votos neutros


Comentarios
  • Esta votación estará aberta, se vos parece ben, ata o día 14 de abril de 2014, incluído--Lmbuga Commons - Galipedia 28 de marzo de 2014 ás 01:55 (UTC)
    Cales son os requisitos para votar en Wikibooks? Abonda con ser usuario rexistrado? Hai número mínimo de edicións? Se é así, ningún dos votos sería válido. Teño as miñas dúbidas sobre a lexitimidade da votación. En calquera caso, Lmbuga, penso que o mellor sería darche permisos limitados de administración, durante 6 meses ou semellante (algo temporal). Ao non haber comunidade, penso que é o mellor. --Norrin strange (conversa) 2 de abril de 2014 ás 06:56 (UTC)
    Compartindo a idea de Norrin strange, pero coñecendo o traballo anterior de Lmbuga, non vexo inconvinte en dar o paso direito.--Agremon (conversa) 2 de abril de 2014 ás 11:36 (UTC)
  • Symbol support vote.svg Concordo--AArizaga (conversa) 28 de marzo de 2014 ás 09:29 (UTC) Tendo en conta a cuestión do número mínimo de edicións para votar, recoñezo o meu erro anterior e elimino o meu voto. É unha decisión persoal: se outros usuarios deciden manter o seu voto pese a estar na mesma situación ca min, tampouco me parece mal. En calquera caso, sorte e ánimo a Lmbuga e a calquera que teña pensado relanzar este proxecto, que, dende fóra, da a sensación de estar un pouco parado. Por outra banda, imaxino que para eliminar posibles recelos o mellor é a idea dunha administración temporal, con data de caducidade e coa posibilidade de ser posteriormente renovada. De feito, o propio Lmbuga xa fala diso na proposta. Tampouco sei se iso é habitual ou recomendable... En fin, calarei para deixar sitio ós que levan máis tempo no proxecto--AArizaga (conversa) 2 de abril de 2014 ás 21:22 (UTC)
  • Véxome coa necesidade de facer fincapé en catro cousas:
  • Primeira:
En Galilibros non só non hai administradores (administradores que non sexan globais ou procedentes de Wikimedia), tampouco hai usuarios. Por favor, obsérvese que reitero que non hai usuarios, pero podo confundirme. De haber usuarios, son moi pouquiños; tan poucos que eu -cousa normal, por outra banda- os descoñezo.
Vendo esta tesitura e sabendo que para que haxa un administrador ten que haber unha votación (contactei cun usuario de Meta que tal me dixo), ocorréuseme -con bo criterio ó meu parecer- invitar ós usuarios da Galipedia a manifestarse, pois, dado que Galicia é unha e de noso, a parte galega de Wikimedia é tamén un tanto así, ó meu parecer.
Ademais, acepto o risco de ser rexeitado por usuarios que non están aquí, en Wikilibros. Acéptoo porque sinto que todos estamos colaborando no mesmo; unicamente o lugar de colaboración é diferente. Se non me aceptades, non pasa nada, mesmo podo comprendelo, xa me amañarei.
En Galilibros non hai políticas de votación. Eu descoñezo Wikimedia a maior nivel. Eu descoñezo "Meta". Ó mellor é todo irregular, pero cál das irregularidades que podo cometer me favorecen? Soamente me favorece unha posible irregularidade: Invitando na Galipedia pode haber votación e saír un administrador, claro que ó mellor podería abondar co voto dun administrador global (xa o hai), pero non me parece o ideal, nin sei cantos votos fan falta. ¿Como doutra maneira podería haber un administrador minimamente decente se penso que en wikilibros non hai usuarios?
Só quero con estas palabras asegurar que, se por ser eu administrador, este espazo vai ser incómodo para os usuarios da Galipedia, eu mesmo vos pido que votedes en contra.
Pode ocorrer que, segundo algunha norma de Wikimedia, non poidades votar; pero non segundo as miñas e, se non me apoiades, non prosigo ou abandono.
  • Segunda:
Non só non hai usuarios en wikilibros, non hai tampoco normas de votación.
Descoñezo se hai algunha norma xeral ou global sobre este aspecto.
Sobre isto só podo dicir o seguinte: ¿Favoréceme realmente a min abrir a votación a todos os usuarios da Galipedia, permitir a súa presenza votando, ou favorece esta medida que o ambiente entre os distintos proxectos galegos sexa adecuado e cordial?
Se houbese normas globais en contra de que vós votásedes -é a miña opinión- tamén hai circunstancias anómalas e peculiares que poden obrigar a saltar as normas. Noutras palabras: ¿Alguén está en desacordo en que os usuarios da Galipedia non poidan votar aquí? Eu creo que deben votar e acepto a votación con todas as consecuencias.
  • Terceira:
Non pretendo perpetuarme na administración. Espero que non se poida aseverar con firmeza que, tras ter renunciado a ser burócrata en todos os proxectos galegos de Wikimedia e mais en Commons, podo ter esa pretensión. Por mor diso, dou cabida a que sexa unha administración temporal na mesma proposta, pero descoñezo se iso é posible. Quizais Norrin strange poida axudarme en cómo desenvolver esa caducidade e realizar unha proposta con caducidade. Eu non sei cómo facelo nin se é posible.
A proposta, por outra banda de Norrin strange resúltame escasa. Seis meses non me abondan. Falei de que para o próximo curso penso implicar a algún compañeiro e alumnos no proxecto (díxeno quizais na Galipedia), agradecería que fose ano e medio ou dous anos. Un ano sería escaso, pero podo pensalo. Se son seis meses, mellor o deixo: mellor que intente e me habitúe a traballar desde o comezo sen haber administrador aquí. Pénsese na desfeita que poden facer alumnos de 4º de ESO sen administrador. Considérese tamén que este proxecto é só un proxecto na miña mente e que pode non callar. Mesmo podería callar dentro de dous anos e non para o próximo curso académico.
Volvo asegurar que non preciso ser eu administrador. O que preciso é que aquí haxa un administrador, un administrador amigo, non inimigo (perdón, pero é o que penso). Se algún de vós quere proporse á administración e require que retire a miña proposta, sempre que vaia ser un administrador amigo (case calquera de vós), retiro esta proposta se dita persoa mo require. Pero, por favor, desexaría que ese administrador tivese presenza e edicións en Galilibros e non ter que recorrer á Galipedia para pórme en contacto.
Se non se ve maneira de facer caduco o meu labor de administración, eu, mediante as presentes palabras, comprométome a poñer o meu posto en cuestión mediante a apertura dunha votación así que me sexa requirido por dous usuarios de Galilibros ou por dous usuarios da Galipedia. Mesmo me podo comprometer a que habendo as normas que houber en Galilibros, nesa votación os usuarios da Galipedia poderían votar sen ter edicións en Galilibros.
Ocórreseme que tamén me podo comprometer e comprometo (con perdón para un tal Suárez ó cal nin me parezo) a que todas as políticas de Galilibros teñan que ser anunciadas na Galipedia e a que, mentres non haxa dez usuarios en Galilibros, con máis de cen edicións no ano, que votasen nalgunha proposta, todos os usuarios da Galipedia que teñan na mesma máis de 100 edicións poidan votar en Galilibros. Mesmo cando haxa eses usuarios, proporei que todos os administradores da Galipedia poidan votar en Galilibros (ó mellor vai en contra das normas de Wikimedia e non podo facelo, pero a min paréceme correcto que galilibros non sexa totalmente independente). Sexa como sexa, calquera proposta será anunciada na Galipedia e, nun inicio, todos poderedes votar (a non ser que algún usuario superior mo prohiba).
¿Que máis podo facer ou dicir? Podo dicir que non comprendo que se vote en contra, sen adnimaversión persoal (cousa que sei que non hai), propondo hipóteses que non se sabe se son posibles. Claro que eu só ofrezo intencións e promesas, pero ofrézoas nun proxecto que arestora carece de futuro.
  • Cuarta:
Pode parecer que noutrora eu cheguei moi lonxe, pero son un usuario bastante limitado. Cheguei lonxe porque había quen me apoiaba, alguén que xamais se deu conta de que sen a súa presenza eu estaba perdido e a quen lle estou agradecido polo tempo compartido e por todo o que me ensinou. Non pretendo crear políticas nin estruturas. Pretendo simplemente que haxa usuarios, animar este proxecto ou zona do proxecto, pero isto non podo prometelo; xa me gustaría dicir "podo prometer e prometo"--Lmbuga Commons - Galipedia 2 de abril de 2014 ás 23:24 (UTC)
  • Por certo, entre o 7 de abril e o 14 estarei de viaxe e non creo que poida acceder a esta discusión/votación ata o día 14--Lmbuga Commons - Galipedia 3 de abril de 2014 ás 00:36 (UTC)
    • @Norrin strange Preguntas o seguinte: "Cales son os requisitos para votar en Wikibooks? Abonda con ser usuario rexistrado? Hai número mínimo de edicións? Se é así, ningún dos votos sería válido". Só podo responder o seguinte: Se pensas que eu o sei todo, confúndeste. Se preguntas sobre se hai políticas de votación en Galilibros, non hai. Se preguntas sobre o que penso sobre a fundamentación do teu voto... creo que sería máis comprensible para min que simplemente mostrases animadversión (espero que tras o dito no comentario anterior non se entenda este novo comentario como agresivo, é simplemente o que sentín e o que sinto)--Lmbuga Commons - Galipedia 3 de abril de 2014 ás 01:35 (UTC)
Non, Lmbuga, non é cuestión dunha animadversión que sabes que non existe. É cuestión de que (penso eu) se non hai comunidade, non pode haber administradores de iure, ten que ser algo temporal ou condicional. En canto á posibilidade de ser administrador con data de caducidade, sei que é posible pois eu fun administrador durante 6 meses na wikipedia en manés. --Norrin strange (conversa) 3 de abril de 2014 ás 07:35 (UTC)
Dacordo, comprendo o que dis (non pode haber administradores "de iure"), pero non che parece excesivo votar en contra cando nin ti nin eu sabemos se é posible que un adminsitrador teña data de caducidade. Eu simplemente che pido que me digas cómo teño que facer para propor ter data de caducidade ou que, en caso de non ser posible sabelo ou realizalo, aceptes as miñas palabras como compromiso. Se non hai animadversión -insisto na idea de que non a hai e esquecemos este tema se che parece (desculpa)-, votar en contra co motivo de propor algo que non se sabe se é posible é bloqueante. Por favor, non bloquees a votación, presenta alternativas realmente factibles--Lmbuga Commons - Galipedia 4 de abril de 2014 ás 14:07 (UTC)
Rectifico: Non é que non poida haber "administradores de iure", é que non debe habelos. Pero nun proxecto sen adminsitradores nin usuarios, nun proxecto aparentemente sen futuro, hai outra alternativa? Alguén a coñece? --Lmbuga Commons - Galipedia 5 de abril de 2014 ás 02:25 (UTC)

Con data 15 de abril de 2014 péchase a votación. Resultado: 6 votos a favor, 1 en contra, 0 neutros. --Lmbuga Commons - Galipedia 15 de abril de 2014 ás 00:44 (UTC)