Cociña/Tenreira con queixo azul

Material necesario

Ingredientes

• Filetes de tenreira (2 × persoa).

• Queixo azul (a criterio do cociñeiro).

• Limón (1).

Útiles

• Tixola.

Preparación

1. Botar na tixola tantos filetes como caiban.
2. Unha vez feitos pola parte que dá coa superficie da tixola, darlle á volta aos filetes para que sigan a facerse pola outra banda, e botar un chisco de queixo azul por riba —sobre a parte que acaba de facerse—, de xeito que derreta sobre a tenreira.
3. Unha vez feitos o filetes pola segunda parte, servir nun prato.
4. Repetir o procedemento anterior ata que todos os filetes estean listos.
5. Limpar a tixola cun limón, botando os restos a partes iguais sobre os filetes de tenreira —que estarán xa servidos nos seus respectivos pratos—.

Gornición

Este prato pode acompañarse dalgunha das seguintes gornicións:

• Ovos revoltos.
• Patacas fritidas.