Gettext/Instalación do sistema operativo

En Galilibros, o Wikibooks en galego.
Saltar ata a navegación Saltar á procura
Gettext
← Volver a Ollada Instalación do sistema operativo Seguir con Configurar a localización das interfaces gráficas


A lingua por defecto adoita establecerse durante a instalación do sistema operativo. Ao instalalo, o normal é que o propio instalados pregunte pola lingua que se vai usar durante a instalación, e maila lingua que se vai usar no sistema unha vez estea instalado. Algúns instaladores só preguntan a lingua unha vez.

Isto determina a lingua por defecto para todos os usuarios. Pero a miúdo os instaladores dannos a posibilidade de instalar linguas adicionais. Por exemplo, os ficheiros de localización de KDE SC ou de OpenOfice.org adoitan ir por separado, en forma de paquetes globais para cada lingua.

Chegados a este punto, cómpre considerar o uso que se lle vai dar ao computador. Se o computador vai ser para uso persoal, probablemente non sexa preciso instalar linguas adicionais. Por outra banda, no caso dun computadora para unha organización ou empresa con relacións internacionais, cómpre considerar as necesidades dos usuarios convidados. Se tes un convidado estranxeiro, digamos durante unha semana, que lingua preferiría el? Quizáis sxa mellor ter esas linguas instaladas de antemán, pois só consumirán un pouco de disco duro.

A lingua por defecto do sistema é a que se utiliza para as novas contas de usuario. Pero cada usuario ten a súa propia configuración lingüística. Esta pode establecerse, xeralmente tras o primeiro inicio de sesión, como se describe no seguinte apartado.


Gettext
← Volver a Ollada Instalación do sistema operativo Seguir con Configurar a localización das interfaces gráficas