HTML/Estrutura

En Galilibros, o Wikibooks en galego.
HTML
Estrutura


Os documentos HTML seguen unha estrutura fixa.

A primeira liña do documento contén un código que define con detalle o tipo de documento do que se trata.

A continuación vai o “elemento HTML”, o documento en si, que vai entre as etiquetas <html> e </html>.

Entre estas etiquetas van obrigatoriamente outros dous elementos: a cabeceira e mailo corpo, o primeiro entre as etiquetas <head> e </head> e o segundo entre <body> e </body>.

A cabeceira contén información sobre o documento que non se lle amosa directamente ao lector. Na outra banda, todo canto se defina no corpo amosaráselle ao lector dunha maneira ou doutra. Na etiqueta inicial do corpo, <body>, pódense indicar atributos comúns a todo o documento.

Tendo en conta o anterior, o seguinte sería o esqueleto dun documento HTML calquera:

<!DOCTYPE>
<html>
   <head>
        ...
   </head>
   <body>
        ...
   </body>
</html>

Os elementos do documento, e dentro del a cabeceira e o corpo escribiranse sempre tal e como se contempla no “esqueleto”. Porén, a primeira liña ─a do tipo de documento─ nunca será a que aparece no esqueleto, senón que adoptará unha forma de tres posibles, tal e como se explica na páxina sobre o tipo de documento.


HTML
Estrutura