HTML/Seguir os estándares

En Galilibros, o Wikibooks en galego.
Saltar ata a navegación Saltar á procura

Case todo o mundo está de acordo en que os documentos HTML deberían funcionar ben nos diferentes navegadores e plataformas. Conseguir interoperabilidade reduce custos aos fornecedores de contidos dado que só necesitan desenvolver unha versión de cada documento. Se non se fai o esforzo, aumenta substancialmente o risco de que a rede se volva privativa con formatos incompatibles, reducindo drasticamente o potencial comercial para todos os participantes.

Cada nova versión de HTML procurou reflectir o maior consenso posible entre os afectados, de xeito que o investimento por parte dos fornecedores de contido non se malgastase e que os seus documentos non deixasen de poder visualizarse nun corto período de tempo.

HTML desenvolveuse coa mentalidade de que todos os tipos de dispositivos deberían ter acceso á información da rede: computadores con distintas resolucións gráficas e profundidades de cor, móbiles, dispositivos móbiles, dispositivos con entrada e saída de voz, computadores con maior ou menor ancho de banda, etc.

A linguaxe HTML pode lela un navegador web en modo gráfico, un en modo texto, un braille, un cliente de correo electrónico, ou mesmo un teléfono móbil. Se se fai un uso correcto da linguaxe e se seguen os estándares indicados neste libro, ningún navegador de ningún tipo debería ter problemas para ler as nosas páxinas.