JavaScript/Opción

En Galilibros, o Wikibooks en galego.
Saltar ata a navegación Saltar á procura
JavaScript
← Volver a Lista de escolla Opción Seguir con Texto


O obxecto opción permite manipular este tipo de elementos nos documentos HTML.

Creación[editar]

As opcións poden crearse de maneira dinámica mediante JavaScript mediante o seu construtor:

new Option(texto, valor, predeterminada, escollida)

Todos os parámetros son opcionais:

  • texto será unha cadea que defina o atributo text da opción.
  • valor será unha cadea que defina o atributo value da opción.
  • predeterminada será un valor booleano que defina o atributo defaultSelected da opción.
  • escollida será un valor booleano que defina o atributo selected da opción.

Aínda que todos os parámetros sexan opcionais, adoitan empregarse como mínimo os dous primeiros ao chamar ao construtor.

Para engadir unha nova opción a unha lista de escolla abonda con asignar new Option ao elemento da matriz listadeescolla.options[] que se desexe.

Cómpre ter en conta que se pode tanto substituír unha opción existente da lista de escolla como engadirlle unha completamente nova. Pode considerarse un xeito alternativo de engadir e eliminar opcións ás funcións add() e remove() das listas de escolla.

Exemplos[editar]

// Engadimos unha nova primeira opción, substituíndo a anterior se a había:
listadeescolla.options[0] = new Option("Nova primeira opción", "1")
// Engadimos unha nova segunda opción do mesmo xeito:
listadeescolla.options[listadeescolla.length] = new Option("Nova segunda opción", "2")

Propiedades[editar]

Propiedade Tipo Descrición Valores
selected booleano Reflicte se a opción está ou non escollida.
  • true se está escollida.
  • false se non o está.
value cadea de texto Equivalente ao atributo do mesmo nome do elemento HTML.


JavaScript
← Volver a Lista de escolla Opción Seguir con Texto