Microsoft Visual Basic 6/Introdución á solución dos erros

En Galilibros, o Wikibooks en galego.
Saltar ata a navegación Saltar á procura
Microsoft Visual Basic 6
← Volver a Introdución aos obxectos Introdución á solución dos erros Seguir con Introdución ás bibliotecas


A continuacións explicarase o funcionamento dalgunhas técnicas básicas que lle facilitarán ao programador a tarefa de descubrir por que un programa non se está a comportar como se espera del.

Execución paso a paso[editar]

Mediante o menú «Depuración → Paso a paso por instrucións» pódese entrar na execución paso a paso, que permitirá ver as operacións realizadas polo programa dunha nunha, premendo no menú unha e outra vez para ir avanzando de instrución a instrución. Cómpre empregar o atallo deste menú, «F8» se o usuario non o personalizou.

Vixiar variables[editar]

Durante unha execución paso a paso pódese escoller unha variable calquera do código fonte e, premendo nela co botón dereito do rato e seleccionando a opción de «inspeccionar», vixiala. Ao vixiar unha variable, abrirase unha pequena xanela (se non estaba xa aberta) na parte inferior de Visual Basic na que se visualizará o valor que contén a variable en cada momento da execución paso a paso do programa. Pódense vixiar máis dunha variable, e mesmo expresións completas que non estean necesariamente presentes no código fonte do noso programa.

Punto de parada[editar]

Dende unha xanela de código fonte pódese premer co botón esquerdo do rato na banda esquerda do editor (onde aparecen os números das liñas de código) para establecer un “punto de parada”. Aparecerá entón un punto de cor vermella. Ao executar o programa dende Visual Basic, a execución deterase ao chegar a dito punto.

Isto pode combinarse coa execución paso a paso, é dicir, podemos facer unha execución normal do programa, que se pare nun punto concreto, e realizar unha execución paso a paso dende o punto de parada.

Para quitar un punto de parada abonda con volver premer sobre el.


Microsoft Visual Basic 6
← Volver a Introdución aos obxectos Introdución á solución dos erros Seguir con Introdución ás bibliotecas