Sistemas informáticos multiusuario e en rede/Código executable

En Galilibros, o Wikibooks en galego.
Saltar ata a navegación Saltar á procura


Mediante o proceso de ligazón unirase o código obxecto do programa co código obxecto das bibliotecas das funcións ─programadas previamente e aproveitadas─ resultando no programa ou código executable.

Podemos dividir os programas executables en:

  • Executables non portables. No proceso de ligazón o código executable xerado está elaborado para unha arquitectura de máquina (plataforma) específica.
  • Executables portables. Neste proceso de ligazón o código executable xerado denomínase “bytecode” e está elaborado para unha plataforma ficticia (código intermedio), posteriormente en cada plataforma necesitarase ter instalada unha infraestrutura (marco de traballo) que será a encargada de realizar a compilación e ligazón dese código intermedio para a plataforma en concreto. Actúase dese xeito no caso de linguaxes coma Java e .Net.