Sistemas informáticos multiusuario e en rede/Código obxecto

En Galilibros, o Wikibooks en galego.
Saltar ata a navegación Saltar á procura


Mediante os procesos de compilación ou interpretación xérase o código obxecto, que unha máquina poderá comprender e, por tanto, executar.

Compilación[editar]

A partires do código fonte xérase o código obxecto, que posteriormente se ligará. Este proceso realízase nun momento previo á execución do programa. Son linguaxes compiladas C, C++, Pascal, etc.

Caracterízase este proceso porque:

  • os erros depúranse no momento de compilar,
  • o programa é máis rápido á hora de executarse que un programa interpretado, e porque
  • o código xerado no momento da compilación está orientado a un tipo de máquina concreto.

Interpretación[editar]

Consiste en realizar o proceso de xeración do código obxecto e de ligazón do mesmo durante o propio proceso de execución. É o caso de linguaxes coma Python ou PHP.

Caracterízase este proceso porque:

  • non se atopan algúns erros ata o momento en que se executa o programa,
  • a execución é máis lenta que a dun programa compilado, e porque
  • permite que se distribúa o código fonte a calquera tipo de máquina.