Usuario:Sobreira/Edición

Crear páxinas novas

Dáslle a buscar e cando apareza a resposta de que non existe, arriba de todo debaixo das pestanas, aparecerá unha ligazón vermella. Se premes nela accedes á súa páxina de edición. Como ves, os apartados tamén teñen unha ligazón "Editar". Iso é para que edites o texto só dese apartado e non da páxina completa.

Formatos de parágrafo

Para escribir texto, simplemente escribes.

Se queres escribir parágrafos deixa unha liña no medio. Por exemplo, o seguinte texto:

Esta é unha proba-
de querer escribir separado

produce:

Esta é unha proba- de querer escribir separado.

Para separalos deixa unha liña no medio.

Esta é unha proba de querer escribir separado.

E funciona ben.

vese así:

Esta é unha proba de querer escribir separado.

E funciona ben.

Outra opción alternativa é usar <br> cando queiras insertar un salto de parágrafo.

Formatos de letra

Na barra de botóns de arriba podes ver "B" e "I". Isto serve para poñer os caracteres en negra ou cursiva respectivamente. Tamén podes facelo a man poñendo o texto entre tres ou dúas comiñas simples. Por exemplo, para o que acabo de escribir usei:

'''negra''' e ''cursiva''

Das cores e tamaños xa as veremos, aínda que non é moi frecuente usalas.

Listaxes

Para crear listas non numeradas, comezas a liña cun asterisco. Para as listas numeradas automáticamente, comézalas cun #. Por exemplo:

• punto número A (escribín: "* punto número A")
• segundo punto
• punto final

e tamén

1. primeiro numerado (escribín "# primeiro numerado")
2. segunda da lista
3. derradeiro punto.

Seccións (apartados) e índice

Se queres facer divisións entre partes de páxinas interesa usar tamaños de letra máis grandes. Para que aparezan hai un código automático que consiste en poñer o texto entre "=". Así, o código que crea a sección que está xusto antes deste parágrafo é "=Apartados=". Se queres poñer niveis de seccións distintos ó estilo de 1., 1.1., 1.2., 1.2.1., (fíxate en "Ligazóns" no índice ou "Táboa de contidos") usas máis ou menos "=". Outro xeito de crealos é co botón "A" da barra de botóns que aparece cando editas.

O índice créase automáticamente cando hai máis de tres ou catro seccións e podes colocalo onde queiras cun sinxelo código: __TOC__. Esta abreviación responde ó inglés Table of contents. Se non queres que non apareza un índice na páxina, usa __NOTOC__.

Ligazóns

Ligazóns internas (dentro desta wiki)

Unha ligazón interna é con dous dobres corchetes. Polo tanto o texto:

[[Cine de autor]]

daría: Cine de autor. Sairá en azul ou vermello dependendo de se a páxina existe xa ou non. Tamén se pode conseguir co botón "Ab" da barra de botóns cando editas. Podes facer que ligue a unha páxina pero que se vexa outro texto. Iso faise poñendo [[páxina da ligazón+unha barra vertical+texto que se lerá]]. Por exemplo se escribo:

[[Cine de autor|Fassbinder]]

aparecerá Fassbinder. Se colocas o rato sobre o texto "Fassbinder" verás que liga a "Cine de autor".

Ligazóns externas

• É o botón do mundo entre "Ab" e "A" da barra de botóns cando editas. Neste caso os corchetes son só un par e o texto entre eles debe comezar por http://. Se quero que se lea outro texto, sepároo cun espazo, non cunha barra vertical. Se quero enviar á Galipedia, usarei Galipedia, que en código é:

[http://gl.wikipedia.org/wiki/Portada Galipedia]

• Se non escribes texto de visualización, aparecerá un número como en [1].

• Se escribes o URL sen corchetes tamén crea a ligazón, pero non podes poñerlle o texto que queiras e aparecerá sempre o URL, como en http://gl.wikipedia.org/wiki/Portada, que creei mediante:

http://gl.wikipedia.org/wiki/Portada

Imaxes

Iríase a "Páginas especiales" e logo a "Subir archivo".

Inclusión en categorías (tags)

Para categorizar unha páxina, escribes:

 [[Categoría:OndeQueresCategorizar]]

Grazas a isto, categoricei esta mesma páxina con [[Categoría:Axuda]] e [[Categoría:Categoría inexistente]] e logo creei a primeira (que está en azul) e podes ver que a segunda, como é vermella, non está creada). Cando visites cada categoría, verase unha lista automatizada de tódalas páxinas que están categorizadas nela.

Non esquezas poñerlle o til a "Categoría" (erro moi habitual), se non non funcionará. Lembra que isto non fai que se lea texto no punto de inserción do código (só abaixo de todo), senón que inclúe a páxina na categoría correspondente.

Espazos de páxinas

Espazo	Acción [[	Acción [[:	Acción {{
Principal, sen prefixo	ligazón	ligazón Arielle Kebbel	incrustación do texto
prefixo Usuario:	ligazón	ligazón Usuario:Sobreira	incrustación do texto
prefixo Wikipedia:	ligazón	ligazón Wikicine:Ayuda/es	incrustación do texto
prefixo Imagen:	inclusión da imaxe	ligazón	incrustación do texto (non da imaxe)
prefixo Plantilla:	ligazón [[Plantilla:Navegador]]	ligazón	incrustación do texto (con ou sen prefixo)
prefixo Categoría:	inclusión na categoría	ligazón	incrustación do texto

Primeiras recomendacións

• Configura a túa sinatura (só podes facelo ti). En "as miñas preferencias" (enriba das pestanas), pestana "Información do usuario" (en castelán "Datos personales"), apartado "Nickname" (en castelán "Su apodo (para firmas)") e escribes só o teu nome de usuario (como exemplo para comezar) e logo marca negativamente a caixiña de verificación "Sinatura tal como está, sen enlace automático (raw signature)". Logo preme o botón abaixo "Save" (en castelán "Guardar preferencias").
• Para asinar as túas colaboracións, usa o penúltimo botón da barra de botóns cando editas. Normalmente só se asina nas páxinas de discusión, aínda que nas críticas ou opinións sobre pelis ou xéneros tamén é importante saber de que miolos veñen as ideas.
• Para algúns usuarios élles moi cómodo editar simplemente premendo dúas veces nas páxinas. En "mis preferencias" (enriba das pestanas), pestana "Edición", caixiña de verificación "Edit pages on double click (JavaScript)" (en castelán "Editar páginas con doble click (JavaScript)") pono habilitado e logo o botón abaixo "Save" (en castelán "Guardar preferencias"): logo verás que cando premas dúas veces nos artigos vai á súa páxina de edición.

Localización en galego

• Se queres que os teus menús e opcións saian en galego ou noutras moitas linguas, podes configuralo en "as miñas preferencias", pestana "Información do usuario" (en castelán "Datos personales"), menú despregable "Lingua da interface": aí escolles a que queiras e gravas os cambios.

Terminoloxía-resume do que se pode facer

• apartados (v. "seccións")
• categorías
• citar (imaxes ou categorías; en realidade son ligazóns)
• enlaces (v. "ligazóns")
• inclusión (método para meter nunha categoría)
• incrustación (método para incluír imaxes e outro método distinto para incluír páxinas enteiras ou modelos)
• índice (v. "táboa de contidos")
• ligazóns (no contexto do Software libre úsase máis ca "enlace": pódese facer para páxinas ou para citar imaxes ou categorías)
• listas ou listaxes (non "listado", que é castelanismo)
• modelos (evidentemente "plantilla" é castelán)
• seccións (ou "apartado")
• subcategorías
• táboas
• táboa de contidos (tamén "índice", só unha por páxina)