Análise e deseño detallado de aplicacións de informática e de xestión/Conceptos sobre a xestión de proxectos

En Galilibros, o Wikibooks en galego.
Saltar ata a navegación Saltar á procura


O traballo a través de proxectos é a forma máis habitual de actuación no desenvolvemento de software. Pódese dicir que un proxecto é un conxunto de etapas, actividade e tarefas para acadar un obxectivo que implica un traballo non inmediato a un prazo relativamente longo. Precisamente é a división en traballos máis sinxelos o que permite ao persoal do proxecto dominar a complexidade do software que van desenvolver.

A xestión de proxectos de software é unha actividade protectora dentro da enxeñaría do software. Empeza antes de iniciar calquera actividade técnica e continúa ao longo da definición, o desenvolvemento é o mantemento do software.

Débese inverter tempo ao principio do proxecto para establecer un plan realista, durante o proxecto para supervisar o plan, e ao longo do proxecto para controlar a calidade e mailos cambios. Isto adoita evitar problemas tales como:

  • Unha valoración defectuosa do proxecto.
  • Imposibilidade de calibrar o progreso.
  • Non se poderían considerar explicitamente os riscos, e non haberá ningún plan para reducilos, supervisalos e controlalos.
  • A planificación temporal do programa resulta pouco realista ou defectuosa.

A actividade de xestión do proxecto comprende medición e métricas, estimación, análise de riscos, planificación do programa, seguimento e control