HTML/Ola mundo!

En Galilibros, o Wikibooks en galego.
Saltar ata a navegación Saltar á procura
HTML
← Volver a Requisitos Ola mundo! Seguir con Código


Vexamos agora un documento simple. Escribe o seguinte código no teu editor de texto, ou cópiao e pégao, e gárdao co nome de index.html.

<!DOCTYPE HTML PUBLIC "-//W3C//DTD HTML 4.01//EN" "http://www.w3.org/TR/html4/strict.dtd">
<html>
 <head>
  <title>Ola mundo! (título)</title>
 </head>
 <body>
  <p>Ola mundo! (texto na páxina)</p>
 </body>
</html>

Agora abre o documento co teu navegador web e bótalle unha ollada ao resultado. Este exemplo permítenos ver algúns aspectos básicos dos documentos HTML:

  • A primeira liña dun documento HTML válido ten que especificar a versión de HTML que usa o documento. Este documento usa a versión 4.01 da variante estricta de HTML.
  • O documento HTML comeza cunha etiqueta, <html>, e remata pechando a etiqueta con </html>.
    • Entre as etiquetas <html></html>, hai dúas parellas principais de etiquetas, <head></head> e <body></body>.
      • Entre as etiquetas <head></head>, están as etiquetas <title></title>, que conteñen o texto que se amosará como título na barra de título do navegador web.
      • Entre as etiquetas <body></body>, hai un parágrafo deimitado polas etiquetas

        .
  • A meirande parte das etiquetas utilízanse en parellas, sendo o seu efecto aplicado á zona que comprenden.
    • <i>Este texto está en cursiva</i> - Este texto está en cursiva
    • A palabra <b>navegador</b> está en letra grosa - A palabra navegador está en letra grosa
    • <i>Este texto está en cursiva, e ademais a palabra <b>navegador</b> está en letra grosa</i> - Este texto está en cursiva, e ademais a palabra navegador está en letra grosa
  • As parellas de etiquetas HTML teñen que estar aliñadas para conter a outras parellas. Por exemplo:
    • <i><b>Este texto está en letra cursiva e grosa</b></i> - Este texto está en letra cursiva e grosa
    • Sería un erro escribir: <i><b>Este texto está en letra cursiva e grosa</i></b>[1]

Nótese que o nome do documento, index.html, non foi elixido ao chou. A meirande parte dos servidores web recoñecerían este documento coma o que deberían amosar de todos os dun directorio. Se cun navegador accedemos a un directorio en que ademáis deste houbese outros catro documentos HTML, por exemplo, o navegador abriría de xeito automático. Isto é simplemente a opción por defecto, pode cambiarse configurando o servidor.

Respecto á extensión, .html, é a que deberiamos escoller para todos os nosos documentos HTML. De xeito alternativo, podemos elixir .htm, pero é importante que elixamos a extensión que elixamos manteñamos a coherencia e lle demos a mesma a todos os nosos documentos HTML.

Notas[editar]

  1. Malia tratarse dun erro, este caso concreto poderíano ler correctamente moitos navegadores.


HTML
← Volver a Requisitos Ola mundo! Seguir con Código