HTML/World Wide Web

En Galilibros, o Wikibooks en galego.
Saltar ata a navegación Saltar á procura
HTML
World Wide Web Seguir con HTML


A World Wide WebWikipedia-logo-v2.svg naceu no ano 1989. Foi obra dun investigador do Consello Europeo para a Investigación NuclearWikipedia-logo-v2.svg (CERN), chamado Tim Berners-Lee, que inventou un sistema de intercambio de recursos de información de varios tipos (texto, imaxes, etc.) en rede, que posteriormente recibiría o nome de “World Wide Web”.

Para isto deseñou un esquema baseado en tres mecanismos:

  1. un esquema de nomeado uniforme para emprazar os recursos na rede cun enderezo único.
  2. protocolos para o acceso a ditos recursos a través da rede, e
  3. hypertexto, para unha navegación doada entre os recursos.

Este sistema podería explicarse dun xeito simplista como unha enorme rede de discos duros onde se aloxarían os millóns de documentos web ligados entre si. Pódese imaxinar Internet coma un espazo de fluxos continuos de coñecemento, arte, ocio, cartos, ideoloxías, etc., é dicir, unha constante circulación de información.

Posto que na actualidade existen diversos protocolos que xestionan o tráfico de documentos e de contido pola rede, é preciso contar cunha normativa estándar que faga posible a súa compatibilidade.

Dende os seus comezos, o Consorcio da World Wide Web (W3C), presidido polo seu inventor, é a organización que elabora e publica os estándares que fan posible a web.


HTML
World Wide Web Seguir con HTML