Normas de estilo e ortográficas/As maiúsculas/Normas básicas
Galilibro
|
| ORTOGRAFÍA |
 |
| O alfabeto |
| As maiúsculas |
| A puntuación |
| O acento |
| A abreviatura |
Escríbese cun grafema inicial maiúsculo¹
[editar]- Ó comezo do escrito, despois de punto e seguido, logo de punto e aparte e de -sempre que equivallan a un punto- admiración, interrogación e puntos suspensivos:
- O texto, salvo en casos excepcionais, non está illado na literatura, senón que, debido á súa función sígnica, pertence con outros signos a un conxunto, é dicir, a un xénero literario, o cal, por esta causa, debe configurarse como un espacio en que unha obra concreta se sitúa establecendo unha complexa rede de relacións con outras obras.
- Un xénero literario é, pois unha configuración histórica de constantes semióticas e retóricas que é coincidente cun conxunto de textos. Estas constantes forman un sistema con compoñentes intelixibles pola relación que establecen entre si, pero o xénero pode ser tamén definido dun modo non inmanente, colocándoo en presencia e oposición a outros xéneros.
- ¿Qué é ficcionalidade? A ficcionalidade presupón contar, supón artellar unha ficción.
- O grafema inicial dos nomes propios:
- Ambos e dous, o Miguel e o Xoel escordaron o nocello dereito
- Chamounos Álvarez²
- O grafema inicial dos alcumes:
- Saiu de esmorga co Bocas e co Milhomes.
- O grafema inicial da primeira palabra das obras literarias e artísticas:
- Follas novas
- A porta do lume.
- O grafema inicial da primeira palabra das publicacións periódicas. Neste caso poden ir tamén en maiúscula outras palabras que teñan relevancia semántica:
- Xistral
- Boletín Galego de Literatura
- Todos os grafemas iniciais dos substantivos e adxectivos dos nomes de institucións, organismos, empresas e outras entidades formalmente constituídas
- A Xunta de Galicia.
- Instituto de Ensino Secundario "Manuel García Barros"
- As siglas escríbense normalmente con caracteres maiúsculos
- DOG, OTAN
Notas:
1. Cando unha palabra con maiúscula inicial comece por un dígrafo, só se escribe en maiúscula o primeiro elemento deste: Guevara, China.
2. A utilización de caracteres maiúsculos non exime do uso do acento gráfico.