Perífrases verbais/Perífrases galegas/Modo

En Galilibros, o Wikibooks en galego.
Saltar ata a navegación Saltar á procura
Galilibro
PERÍFRASES

VERBAIS

Wikibooks-logo.svg
Concepto
Locución verbal
Críticas
Problemas
As perífrases galegas
Bibliografía

A categoría de modo[editar]

A categoría de modo achega a actitude do falante ante o que expresa o verbo. En consecuencia, distínguese un modo irreal, ou subxuntivo, fronte a un modo non marcado, o indicativo que se emprega para expresa-la realidade.

A través do subxuntivo relátanse feitos que, por representaren desexo, conxectura ou posibilidade, non son reais (espera que o axuden). Tamén teñen este carácter modal as perífrases que expresan probabilidade ou hipótese: debe de ter os seus dous metros de altura. O resto das perífrases modais implican obrigatoriedade

O imperativo e o condicional[editar]

  • O imperativo é unha variante combinatoria do subxuntivo: Ven ti > que veñas. Polo que se considera que está dentro do seu ámbito.
  • O condicional (posptretérito) inclúese no indicativo por dúas razóns:
  • Desde o punto de vista do modo andarei ten posibilidades análogas a andaría para suspende-la súa referencia temporal e adquirir un valor modal de dúbida, probabilidade ou incerteza: Cando espertei, serían as tres da tarde / Probablemente serán tan interesantes como dis.
  • Dende o punto de vista do tempo, andaría é futuro do pretérito, como andarei é o futuro do presente: O amo chegará ó medio día / Dixéronnos que o amo chegaría ó medio día e eilo.