Proxecto integrado/Ciclo superior de Desenvolvemento de aplicacións informáticas
O Proxecto integrado do «Ciclo superior de Desenvolvemento de aplicacións informáticas» consiste no desenvolvemento dun sitio web. Durante o curso do módulo aprenderanse os conceptos fundamentais da programación web, así coma as linguaxes necesarias para practicala.
Conceptos previos
[editar]Servidores web
[editar]Os sitios web alóxanse en servidores web. Mediante un programa “cliente”, un navegador web, podemos acceder aos servidores web, xa sexan servidores externos ou o noso propio equipo actuando coma servidor e coma cliente ao mesmo tempo.
Aos servidores web conectámonos ben mediante o seu enderezo IP, ben mediante o dominio. O dominio é un texto, coma «gl.wikibooks.org», que fai referencia ao IP do servidor. Cando queremos acceder a unha páxina web, o noso navegador web (cliente) envía unha “solicitude” ao servidor, e este devolve unha “resposta” ao cliente. Ambas as dúas, solicitude e resposta, están compostas por unha cabeceira e un corpo.