Cociña/Raxo en salsa de limón

Material necesario

Ingredientes

• Fariña de trigo (a criterio do cociñeiro).

• Limón (1).

• Manteiga (a criterio do cociñeiro).

• Perexil (a criterio do cociñeiro).

• Filetes de raxo (4 × persoa).

• Sal (a criterio do cociñeiro).

• Viño branco (a criterio do cociñeiro).

Útiles

• Tixola (1).

Preparación

1. Rebozar os filetes de raxo en fariña.
2. Poñer a tixola no lume.
3. Botarlle algo de manteiga, dispersándoa pola tixola ao tempo que vai derretendo, impregnando a súa superficie.
4. Dourar os filetes na tixola, unha primeira ronda deles, e unha vez feitos poñelos nunha fonte (na que se servirán).
5. Repetir os pasos 3 —cando faga falla máis manteiga— e 4 ata que todos os filetes estean dourados.
6. Unha vez listos os filetes e na fonte, botar sal a gusto do cociñeiro.
7. Cortar en dous e espremer o limón na tixola, e engadir algo de viño branco e perexil.
8. Verter o contido da tixola sobre a carne a modo de salsa.

Gornición

Este prato pode acompañarse dalgunha das seguintes gornicións:

• Arroz cocido.
• Patacas fritidas.